ENQERE - Koordînatora Projeyê ya DEMOSî Guley Bor, reaksîyon vera qanûno ke do rayîr ver tayînkerdişê qeyûman ê komele û rêxistinê sîvîl yê komelî abiker mojna û dîyar kerd ke seba rêxistinê komelî yê sîvîl binpaykerdişê heqan îfşa kenê, hêriş ser de yeno kerdene. Endama Awankerdoxa Weqfê Aştî Azime Bilgin zî dîyar kerd ke ê do STK dir nê serdemî de tewr zêde bêrê têhet û xebatêke hempar bikerê.

Tedayê îktidarê AKP û MHPyî yê serê heme hetê muxalîf yê komelî her roje bi tewirêk vejêno vernîya ma. Bi taybetî dimayê hewildayîşê derbeyê 15ê Temmuze bi tayînkerdişê qeyûman ê şaredarîyê HDPyî nê caardişî hîra bî. Qanûno ke do rayîr vernîya tayinkerdişê qeyûman ê komele û rêxistinê sîvîl yê komel abikero. Îdarekarê komele û rêxistinê komelê sîvîl dîyar kerdî ke no hêrişê vera heqê makeqanûnî û rêxistinbîyayîşî yo.

 

'Wazenê muhtewayê STOyan bêmana bikerê'

 

Endama Awankerdoxa Weqfê Aştîye Azime Bilgin dîyar kerd ke îqtîdar teng bîyo û va: "Bi qebûlkerdişê nê qanûnî dîyar o ke îqtîdar teng bîyo. STO seba kulturê demokrasî aver şêro û beşdarî virazîyo wareyêk girîng o. Îqtîdar verê ke bi hemparê komela sîvîl bişêwirê, nê qanûn qebul kerd û peynî de wazeno hakîmîyet destê xo de verdo. Bi nê qanûnî dir caardişê antîdemokratîk bêrê caardiş. Coka ganî reaksîyon û nêrazîbîyayîş hîna zaf bêrê ramojnayîş. Tayînkerdişê qeyûman ê seba STO yeno manaya ke do STO nêeşko çîyêk bikero. Wazenê ke muhtewayê STO bêmana bikerê. Aktivîstê rêxistinkerde ganî hîna zaf veng vejê. Heqê rêxistinbîyayîşê merdiman bi no hawa destê înan ra gênê. Do bi no hawa caardişê antîdemokratîk reyke bîn rî bidê. Xora 15ê Temmuze bi KHKyî xeylê kesî mexdûr bî. Huqûq bi no hawayî beno hacet."

 

'Îqtîdar vano ganî mi rê bîat bikerê'

 

Azime dîyar kerd ke yeno waştene ke pêro çî goreyê îqtidarê bêro dîzaynkerdene û va: "Ganî qetî fikrê STOyan bêro girewtene. Ganî nê nakokîyê huqûqî bêrê serastkerdene. Îqtîdar vano ganî mi rê  biat bikerê û no zî serê wareyê bînan de tesîr bikero. Nê serdemî de tewr zêde bêrê têhet û xebatêk hempar bikerê."

 

'Wazenê wareyê komelî teng bikerê'

 

Koordînatora Projeyê ya DEMOSî Guley Bor zî wina va: "Pêşnîyazê qanûnî esasê xo de seke têkildarê çekê îmha ameyî ramojnayîş labelê 43 madeyan ra tena 6 made têkildarê nê çî yê. Seba wareyê komelî tam teng bikerê, no çî yeno kerdene. Polîtikayê qeyûman yê serê şaredarîyê HDPyî nika serê Rêxistinê Komelî yê Sîvîlî zî yenê kerdene. Yeno waştene ke caardişê OHALî reyna bêrê kerdene. TTB zî bi sebebê pandemî hdef ame girewtene. Ganî ma do nê pîya biercnê. Nika hêrişêk topyekun hemverê wareyê sîvîl esto. Çike Komeleya Sîvîl binpaykerdişê heqan îfşa kena, sere nêtewênena. Vanê, 'Eke şima xo birêxistin bikerê do nê çî bêrê sereyê şima' û wazenê tersêk awan bikerê. Seba binpaykerdişê heqan nêvejîyo werte, coka wazenê wareyê komelî teng bikerê. Pêşnîyazîyê nê qanûnî, wextê pandemî de tesaduf nîyo."

 

'Ma do sey DEMOSî xebatanê xo dewam bikerê'

 

Guleye dîyar kerd ke rêxistinbîyayîşê STOyan hemverê nê qanûnî yeno astengkerdene û va: "Dimayê ke no pêşnîyaz ame rojeve, xeylêk rêxistinan îzahat da. Kampanyaya "Komela sîvîl nêeşkena bêveng bêra verdene" ame destpêkerdene. DEMOS û 500 zêdeyêr STOyan seba nê kampanya îmza dayî. Kampanyaya 'Cinî vanê ney' serê twittir de bi TTB. Wextê ke tderheqê kesêk/e komele de cigêrayîş bêro destpêkerdene, ê do bieşkê komela padê. Ma do sey DEMOSî xebatê xo dewam bikerê."