ENQERE - Hewldayîşê seba Roboskiyî Edalet 9in  serrgera Qirkerdişê Roboskîyî de waştişê edaletî newe kerd û va: “Rayîrê aştî û edaletî do teqez Roboskî ra derbaz bibo.”

 

Hewldayîşê seba Roboskîyî Edalet, derheqê serrgera 9in Qirkerdişê Roboskîyî, Şubeyê ÎHDyî yê Enqereyî de kombîyayîşê çapemenî organîze kerd. Parlamenterê HDPyî yê Edeneyî Kemal Pekoz û îdarekarê ÎHDyî beşdarê kombîyayîşî bî. Endama Heyetê Îdarekerîyê Pêroyî yê ÎHDyî Nûray Çevîrmen eşkerayî da.

 

‘Heta edalet nêro Roboskî edalet nîno Tirkîya’

 

Nûray dîyar kerd ke bi teyareyê şerî bomba serê doman û ciwanê kurdîn da varnayê û pêwa 108 mengî, 470 hewte, 3 hezar û 288 rojî serê qirkerdiş ra derbaz bîyo zî hema edalet nêameyo meydan. Wazenê serê qirkerdişî padê û dramê merdimayî yê Roboskî bidê xovîrrakerdiş. Heta edalet nêro Roboskî, edalet nîno Tirkîya. Çîyê ke ameyê sereyê ma; nêbîyayîşê dewlete, bêcezatî, şer û bêedaletî ra yê. Rayîrê aştî û edaletî do qetî Roboskî ra derbaz bibo.”

 

Parlamenter Kemal Pekoz zî dîyar kerd ke Qirkerdişê  Roboskî bi zanebîyayîş û bi waştiş ameyo kerdene û qiymetê qûrbanîyan zî seba îqtîdarî çin o.