Raperîn Berkir

 

ŞEHBA - Endam û Îdarekarê Meclîsê Cinîyê Azadî Şehbayî hêrîşê serê qezaya Eyn Îsayî şermezar kerdî û vatî: "Amancê dewleta tirkî nê hêrişan o yo ke projeyê Netewa Demokratîkî ya Eyn Îsa ameyo awankerdene, bêro rijnayene. Ê nêeşkenê xoverdayîşê şarî biqedênê.”

 

Dewleta tirkî û komê hemkarê ci bê mabên hêrişê qezaya Eyn Îsa kenê. Hêriş de mal û milkê welatîyê herême hedef gênê. Wazenê Eyn Îsa seke Girê Spî, Serêkanî û Efrîn bikerê binê kontrolê xo. Welatîyê Eyn Îsa xoverdayîşêk bê hempa hemverê nê hêrişê wehşet kenê û pêameyîşê serkewtişî dewleta tirkî neql kenê. Vakur û Rojhelatê Sûrîye şar serê lingan de yo û paştdayîşê xo Eyn Îsayî rê neql kerdî. Girêdayê na babete Endam û îdarekarê Meclîsê Kantonê Şehbayî ercnayîşê xo ajansê ma dir pare kerdî.

 

‘Ma paştdayîş danê xoverdayîşê Eyn Îsa’ 

 

Endama Komîteya Cinîyan ya Meclîsê qezaya Ehrezî Sîham Alo wina va: “Ma seke cinîyê Şehbayî bi heme pêameyîşanê xo dir paştdayîşê xoverdayîşê Eyn Îsayî hemverê hêriş û kerdişê dewleta tirkî ya îşxalkerdox, kenê. Ma do her wext serê lingan de bê û paştdayîşê şarê xo yê xoverdayox bikerê. Seba ke amancê ma oyo ke têduştî mîyanê şarî de bêro awankerdene. Ma do her wext vengê xoverdayîşê xo berz bikerê ke vengê ma bireso sazgehê wezîfedar, seba vindertişê kerdox û hêrişê dewleta dagirker."

 

‘Wazenê bi hêrişan îradeyê şarê biçelmsinê’

 

Îdarekara Meclîsê Cinîya Azad ya Şehbayî Zehra Kelo hêrişan bi şîdet şermezar kerd û va: "Ma nê hêrişê dewleta tirkî ya dagirker û komê girêdayê ci yê serê Eyn Îsa bi şîdet şermezar kenê. Dewleta tirkî ya dagirker bi dagirkerdişê cayê vakur û Rojhelatê Sûrîye de welatijan dano koçberkerdiş û vera înan çeteyê xo bi ca keno. Xeylêk pêameyîşî Eyn Îsa de ciwîyenê û cuyêk têduşt mîyanê xo de awan kerdê. No ciwîyayîş goreyê rehetîyê dewleta tirkî nêbi, coka waşt ke nakokiyan mîyanê pêameyîşê ereb û kurdan de bido awankerdene. Wazenê bi nê hêrişan îradeyê şarî biqedênê.”

 

‘Rûsya şirîkê nê hêrişan a’

 

Endama Komîteya Edaletê Komelî ya Meclîsê Cinîyê Azadî yê Şehbayî, Semîra Mistefa zî wina va: “Eyn Îsa de Rûsîya baregehê xo awan kerdê û seba hêrişê dewleta tirkî xo bêveng verdayê. Dewleta Rûsîya zî şirîkê nê hêrişan a. Dişminê ça her het ra hêriş kenê, tena vernîya ma de têkoşîn esto û lazim o ma serê esasê nê rêxistinê xo xurt bikerê.”