MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene bi koma 6ine roja 30ine de dewam keno.

 

Grêvê vêşanîye yê bêdem-biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, bi koma 6ine roja 30ine de dewam keno.

 

Tepişteyê ke mesajanê qerardarîyî şawenê semedê paştdayîşê çalakîye veng danê. Îdarekarê zîndanan û Wezîrîya Edaletî zî herinda qebulkerdişê waştişanê tepişteyan de rîyê çalakîya înan ra cezaya hucre danê înan. Nîda Kutlu, Hatîce Çakmak û Şukran Ozer bi sebebê, "Propagandaya rêxistine kenê" 11 rojî cezaya hucre girewtî.