STENBOL - Hemsereka ESPyî Ozlem Gumuştaş va ke cezaya Hemsereka KCDyî Leyla Guven rê ameya birnayene û tepiştişê aye hêrişê vera îradeyê cinîyan o û va, "Ma do wayîrê Leyla Guven, KCD û têkoşînê azadî yê şarê Kurdî vejîyê."

 

Roniştişê qerarê yê Hemsereka Kongreya Komela Demokratîke (KCD) Leyla Guven ke 21ê Kanûne de 9in Dadgeha Cezaya Giran ya Amedî de ameye vînayene de 22 serrî û 3 mengî cezaya zîndanî ci rê ameye birnayene û şan de Leylaye keyeyê parlamentera HDPyî Semra Guzel de ameye tepiştene. Leyla, sere de berdî Zîndanê Tîpê E yê Cinîyan ê Amedî û dima ra zî surgunê Zîndanê Tîpê E yê Xerpêtî kerdî.

 

Derheqê tepiştişê Leylaye de Hemseroka Partîya Sosyalîst ê Bindestan (ESP)  Ozlem Gumuştaş ercnayîş kerd.

 

'Qerar stratejîyê şerî yê faşîst ê hemverê Kurdan o'

 

Ozleme dîyar kerd ke polîtîkayê hemverê Leylaye hewldayîşêk vera rêxistinê pêgirewte yê demokratîk û wina dewam kerd: "Cezaya zîndanî ke Leyla rê ameya birnayene, netîceyê stratejîyê şerî yê vera Kurdan o û hemverê pêro sîyasetmedarê kurdan o. No tena seba kurdan ney eynî wextî de hemverê çepgir û sosyalîstan û hemverê têkoşînê azadîya cinîyan o."

 

'Ma do hemverê ceza destkewtişê xo bipawê'

 

Ozleme va ke tepiştişê Leyla darbeyê vera azadîya rêxistinê cinîyan o û va: "No eynî wextî de helwestê blokê faşîstî yê hemverê azadîyan o ke senîn dadgehan de bêro cakerdiş o. Ma do vera nê cezayan têkoşînê xo yê azadî dewam bikerê, nê cezayan nas nêkerê û destkewtişê xo bipawê. Do no zî seba m abibo rayîrêk têkoşînî."

 

'Tepiştişê Leyla hêrşê hemverê îradeyê cinîyan o'

 

Ozleme va ke Leyla sîyasetmedarêk ke berpirsîyarîyê şarê Kurdî girewto serê xo yo û wina va: "Ma hêrişê vera Leyla Guven ke waştî wareyê sîyaset ra dûr bifînê, sey hêrişê vera têkoşînê azadî yê cinîyan. Eynî wextî de ma nê hêrişî sey astengîyêk hemverê têkoşînê xo vînenê. Ma cinî vanê ke ma pey Leyla Guven û têkoşînê ci yê û ma pîya têkoşînê xo dewam bikerê. Ma sosyalîstê Tirkîya hem vera têkoşînê Leyla Guven, KCD û hem zî şarê Kurdî wayîr vejênê û ma do reaksîyonê xo ramojnê."

 

'Ma do cinîyan dir paştdayîş de bê'

 

Ozleme ard vîr ke ê bi rêxistinê cinîyan dir hemverê hêrişê serê TJAyî û Komeleya Cinîyan ê Rosayî de yê û va: "Do cinî metrepolan de hemverê hêrişê serê Leyla Guven bi pîya têkoşîn bikerê. Wezîfeyê ma oyo ke ma bi Leyla Guven dir paştdayîş de bê û hemverê hêrişan wareyan de bê."