AMED - Dayîka Ulaş Çelîko ke cenazeya ey Goristanê Xarzanî r aamebi vetene û heta nika tu netîce ci ra nêame girewtene, Nazîme Ulaş dîyar kerd ke bi çend serrî yo, pey esteyê lajê xo gêrena û va: "Zerrîya mi bi kul a. Ez veng dana ke wa vengê ma bêro eşnawitene."

 

Ulaş Çelîko ke pêrodayîş de dinyaya xo bedilnabi, Goristanê Xerzanî de amebi definkerdene. Serra 2017 de goristan ra amebi girewtene û nika nîno zanayene ke cenaze berdê ça. Keyeyê Ulaşî vengdayîşê hîsgêrî kerd û waşt ke vengê înan bêro eşnawitiş û cenazeya lajê înan, teslîmê înan bikerê.

 

Komeleya Paştdayîşê Yewî û Kulturê Keyeyê ke Merdimê Xo Dergûşê Şaristanî de Vindî Kerdî (MEBYA DER), no hewte zî bi amancê cenazeya Ulaş Çelîko PKKyij ke serra 1996 de Bêdlîs de dinyaya xo bedilna bi; teslîmê keyeyê ci bêro kerdene, Goristanê Asrî yê Yenîkoyî yê qezaya Rezanî ya Amedî de eşkerayî da çapemenî. Keyeyê Ulaş Çelîk û endamê MEBYA-DERî tewrê eşkerayî bî.

 

Ulaş Çelîk (Andok) ke netîceyê pêrodayîşêk yê Bedlîsî de dinyaya xo bedilnabi, cenazeya ey Goristanê Xarzanî de amebî definkerdene. Cenaze serra 2017 de Xarzan ra vetî û nika nîno zanayene ke cenaze ça de ya. Keyeyê Ulaşî veng dano ke wa vengê înan bêro eşnawitiş û cenaze teslîmê înan bêro kerdene.

 

'Esteyê zî bimanê ez cenazeya lajê xo wazena'

 

Dayîka Nazîme Kaya dîyar kerd ke bi çend serrî yo pey esteyê lajê xo de gêrena û nêeşkena netîceyêk bigîro û va: "Zerrîya mi bi kul a. Ez veng dana, wa vengê ma bieşnawê. Keyeyî êdî bendeyê esteyê domananê xo yê. Çira nê zulmî ma rê kenê. Ma gêrenê la ma nêeşkenê esteyê domananê xo bivînê. Goranê înan texrîb kenê, veşnenê, bomba erzenê ci, o wext zerrîya m aperçe perçe bena. Wijdan û merhametê înan qet çin o. Ma birîndar ê, êdî bes o. Ez wazena esteyê domananê xo bivîna, wa esteyê lajê mi bidê. Dewlete vana, ez Kurdan biqedînî, la wa baş bizano Kurdî nêqedênê. Êdî kiştişê ciwanan rê bes o. Ne îman, ne musulmanî, ne zî merdimayî menda. Ma tena pey esteyan gêrenê. Qet nêbo esteyê ey bibayîne, mi do qebûl bikerdêne la o zî çin o."