ENQERE - Vervatoxa HDPyî Ebru Gunay kombîyayîşê çapemenî de eşkerayî da û va: ''Ma venga pêro hêzanê demokratîkan ê Tirkîya danê ke eke na bira MHME nêra caardene bêrê ma pîya seba azadîya Demîrtaş, Leyla Guven û Fîgene Yuksekdag biqîrê.''

 

Vervatoxa HDPyî Ebru Gunay merkezê HDPyî de kombîyayîşê çapemenîye de rojdem ercna. Ebrûye destpêk de behsê qanûnî yan zî teklîfê qanûnê dayîşî qeyûman serê rêxistinêke komelî yê sivîl kerd û pêşqanûn rexne kerd û va, no teklîf hemverê Destûrê Bingeyîn o.

 

Ebrûye eşkerayî de wina va: "Nika zî Meclîs de pêşnîyaz yeno kerdene ke dezgeh û rêxistinê komelê sivîlî rê qeyûmî do bêrê tayînkerdene. No bêhuqûqî yo. Eke no pêşnîyaz bibo qanûn binpaykerdişî do bizêdîyê û serdestîya îqtîdarî do biba xurtêr. Mehkemeya Heqanê Merdiman a Ewropa (MHME) derheqê Selahattîn Demîrtaşî de bira veradayîşî daye. Na bire zî mojnena ke Tirkîya de huqûq ame qetilkerdene. Sere de Demîrtaş ganî pêro sîyasdetmedarê ma bêrê veradayene. Erdoganî vat na bire înan eleqedar nêkena la o çax çira ti verî seba xo muracatê MHME dabi?

 

Na bire seba pêro demokratanê Tirkîya îmkan û vengdayîşêk o. Bêrê ma pîya xo ver bidê û nê îmkanî bişuxilnê. Ma venga pêro hêzanê demokratîkan ê Tirkîya danê ke eke na bire nêra caardene bêrê ma pîya seba azadîya Demîrtaş, Leyla Guven û Fîgene Yuksekdag biqîrê û ma pîya rayraşîyayîşê azadîye pîl bikerê. Hemsereka KCDyî Leyla Guven rê cezaya 22 serran û 3 mengan dîyaye. Leyla Guven pêro emrê xo de têkoşîn kerd coka ameye hedefkerdene. Bira derheqê Leyla Guven de seba ma çin a çunke Leyla Guven îradeyêk a.

 

Îqtîdarî bêşerm raştîya 'cigêrayîşê zûtî' înkar kerd û Wekîlê ma Omer Faruk Gergerlîogluyo ke mesele arde rojdem, kerd hedef. Sûcê sîstemê şima eşkera yo. Şima nêeşkenê vajê ke zîndan yan zî qereqolan de heqanê merdiman rê hûrmet yeno kerdene. Şima nêeşkenê çew bixapînê."