AMED - Hemsereka KCDyî Leyla Guvena ke 22 serrî û 6 mengî cezaya zîndanî seba aye ame dayene, ameye destbendkerdene.

 

Seba ke hîn dewaya verê yê derheqê Hemsereka Kongreya Komela Demokratîke (KCD) Leyla Guven de vizêr roniştişê Dadgeha Cezaya Giran ya 9ine ya Amedî 22 serrî û 6 mengî ceza ci rê ameye birnayene. Dimayê ke dadgehe qerarê tepiştişî da, Leyla Guvene ameye destbendkerdene. Polîsî şan de şî keyeyê Leyla ya qezaya Peyasî ya Amedî û aye destbend kerdî. Ame neqlkerdene ke polîsan seba kontrolkerdişê Leyla berdê nêweşxane û xeylê kesî verê  nêweşxanî de kom bîyê.

 

Leyla wexto ke ameya destbendkerdene wina vat: "Eke mi biwaştêne ez biremî, ruhê şima nê çî nêeşnawitene. Ez nêşina cayêk. Ez o nê welatî de sîyaset dewam bikerî. Şîyayîşê serê zaliman de cesaret o."

 

Qerarê tepiştîşî 24 saetan 

 

Leyla pêwa çepik û sloganê, “Xoverdayîş ciwîyayîş o" esparê wesayîtî bî. Leyla dimayê kontrolê weşîye erşawitî şubeyê TEMî. Leyla ke derheqê aye de qerarê tepiştişî yê 24 saetan ame dayene, yeno pawitene ke ewro vejê edlîye