ŞENGAL - Nobeta şengalijan a seba wayîrvejîyayîşê Êzidxanî dewam kena. Şengalijî vanê heta ke asayîşê Êzidxanî bi fermî nêro qebûlkerdene ê do çalakîya xo dewam bikerê.

 

Nobeta şengalijan a seba wayîrvejîyayîşê Êzidxanî roja 20ine de dewam kena. Ewro endamê meclîs û dezgehanê Şengalî nobetdar ê. Çalakîye bi şîarê 'Ma pêro asayîş ê' dîyaye destpêkerdene. Şarê Şingalî kome bi kome tewrê çalakîye beno. Qeza û bajarekanê Şengalî ra her roje xeylêk kesî xeyma çalakîye zîyaret kenê.

 

Şengalijî vanê heta ke asayîşê Êzidxanî û Îdareyo Xoser ê Şengalî bi fermî nêrê qebûlkerdene ê do çalakîya xo dewam bikerê.