BÛRSA - Tepişteya sîyasî Kubra Fîlîz pêwa ke bi desan rey waştişname da zî bi di serrî û nîm o Zîndanê Cinîyan ê Yenişehîrê Bursayî de hucreyê yewkesî de yena tepiştene.

 

Tepişteya sîyasî Kubra Fîlîz bi di serrî û nîm o Zîndanê Cinîyan ê Yenişehirê Bursayî de tepişte ya û hukumwerdoxê edlîyan de yena tepiştene. Kubra, seba sewqê zîndanêk bîn ê tepişteyê sîyasîyan biba, bi desan rey waştişname daya û kewta grevê vêşanîye labelê no çî hetê îdare ra nêame qebulkerdene.

 

Waya Kubra, dîyar kerd ke seba pandemî pêvînayîşê bi rî bi rî nîno kerdene û hewte ra reyke tena 20 deqeyan pêvînayîşê bi telefon kenê û dimayê 10 deqeyan personelê zîndanî veng vejenê û seba pêvînayîşê bi telefonî nêro kerdene, benê asteng. Waya Kubra dîyar kerd ke eke wina dewam bikero Kubra seba na rewşe şermezar bikera, do heqê xo yê telefonî reyke bîn nêxebitna.