MED - Hemsereka Federasyonê MED TUHAD-FED Elîfe Haran bale ant serê grevê vêşanîye û va: "Waştişê tepişteyan, waştişê meşrû yê. Lazim o ke nê waştişî lezabez bi ca bêrê. Verpayê ci do dîmenê tehluke vejîyê meydan."

 

Zîndanan de hemverê tecrîdê serê Rayberê PKKyî Abdullah Ocalan û binpaykerdişê heqan ê zîndanan, tepişteyan 27ê Teşrîna Peyêne de dest bi çalakîya grevê vêşanîye ya bêdem û bidor kerdî. Çalakîya grevê vêşanîye her ke şina pîl bena û komê neweyî dewr gênê. Derheqê babete de Hemsereka Federasyonê Komeleya Paştdayîşê Huqûqî yê bi Keyeyê Tepişteyan û Hukumwerdoxan ê Medî (MED TUHAD-FED) Elîfe Haran ercnayîş kerd.

 

'Şert û mercê zîndanan her ke şino tewr giran beno' 

 

Elîfe destpêkê qiseykerdişê xo de bale ant serê binpaykerdişê heqan ê zîndanan û wina va: "Binpaykerdişê heqê tepişteyan verê zêde bi û bi pandemî dir tewr zêde bi. Hetê hîjyenî de kêmî zaf pîl vejîyayî meydan. Sewbîna tepişteyê nêweşî nînê tedawîkerdene. Seke yeno zanayene serra 2018 de tepişteyî kewtibî grevê vêşanîye û 200 rojan ra zêdeyêr grev de mendibî. Coka xopawitişê bedenê tepişteyan zî qels o. Ma nê prosesî de binpaykerdişê heqan raporan de bi ca kerd û bi çapemenî dir zî par ekerd. Teber de çarçewaya pandemî de tedbîr yenê girewtene la çi heyf, zîndanan de tedbîr nînê girewtene. Qoxuşê 10 kesî de 15 yan zî 20 kesî manenê. Reyna zîndan de çend kesî bi vîrus kewtê, nîno zanayene.  dimînin. Di vî warê de mesafeya fizîkî  ne gengaz e.  Dîsa li girtîgehan çend kes bi vîrûsê ketine nayê zanîn. Eşkerayîya tewr peyîn de amebi vatane ke 118 kesî zîndan de şûbe kewtê. Labelê serê rewşa înan de tu zanayîş nêame dayene. Ma nêzanê ke tepişteyî karantîna de yê, yan qoxuşan de yê. Na babete de şikê ma estê. Reyna seba korona bi desan tepişteyan dinyaya xo bedilnayî. Ma zaf vengdayîş kerd la m avînenê ke şert û mercê zîndanan her ke şino tewr xirab beno."

 

'Waştişê tepişteyan waştişê meşrû yê' 

 

Elîfe, dîyar kerd ke waştişê tepişteyan, waştişê meşrû yê û va: "Rastî zî prosesêk xidar ra derbaz beno. Hemverê tecrîd û binpaykerdişê heqan destê tepişteyan de xoverdayîşo tewr pîl grevê vêşanîye yê. Seba ke tepişteyî verê kewtibî grev, nika bedenê îna zeyîf kewto. Hukmatê AKP-MHPyî wexto ke waştî seba berjewendîyê xo têbigeyrê û kewtî tengayî, rayîrê Îmralî akerdene la wexto ke nêwazê zî cezayê dîsîplîn û binpaykerdişê heqan kenê rojeve. Senî heqê tepişteyan ganî bibo, heqê birêz Ocalanî zî ganî bibê û ganî nê heqî bêrê dayene. La çi heyf no wextêk derg o ke serê birêz ocalanî de tecrîdêk giran yeno kerdene û no tecrîd tesîrê pêro tepişteyan kerdo. Ganî AKP-MHPyî goşê xo na rewşe ra nêgîrê. Waştişê tepişteyan, waştişê meşrû yê. Lazim o ke nê waştişî lezabez bi ca bêrê. Verpayê ci do zîndanan ra dîmenê tehlukeyî vejîyê meydan."

 

'Ganî tepişteyî tena nêrê verdayene' 

 

Elîfe tewr peyîn va: "Ma sey MED TUHAD-FEDî veng danan pêro rêxistinê sîvîl, pawitoxê heqan û keyayan û vanê ke nê prosesî de tepişteyan ten ameverdê. Qasê ke destê ma ra ame ganî ma bieşkê paştdayîş bikerê. Sewbîna ez bi taybetî veng dana hukmatê AKP-MHPyî ke wa waştişê tepişteyan bi ca bîyarê û ganî tecrîd û nê binpaykerdişê heqan bivînê."