DÎLOK - Vizêr Dîlok de nêweşxaneyêkê taybet Sanî Konukogluyî (SANKO) de teqayîş qewimîya û 11 kesan dinyaya xo bedilnaye. Ewro 2 kesê ke teqayîş de birîndar bibî zî dinyaya xo bedilnayî û hûmara merdeyan bî 11.

 

Nêweşxaneyê Taybetî yê Sanî Konukogluyî yê Dîlokî de serwîsê ciewnîyayîşê giranî de saetanê sere sibayî de teqayîşêk qewimîya. Netîceya şewatî ke badê teqayîş vejîya de 11 kesan dinyaya xo bedilnaye. Ewro 2 kesê ke teqayîş de birîndar bibî zî cuya xo vindî kerdî û hûmara merdeyan bî 11. Ame vatene ke teqayîş rîyê aletê nefesgirewtişî ra vejîya.

 

Walîtîye da zanaye ke badê teqayîşî 19 kesê ke serwîsê ciewnîyayîşê giranî de kewtêne înan ra 9 kesan dinyaya xo beidlnaye, 10 nêweşê bînî zî nêweşxaneyanê derûdorî de ameye cakerdene.

 

Wezîrê Weşîye Fahrettî Koca zî da zanayene ke hûmara merdeyan vejîyaya 10 tenan.

 

Kesê ke dinyaya xo bedilnayî

 

Nameyê kesanê ke dinyaya xo bedilnaye wina yê: “Elîf Akgul (85),Fethîye Kirca (78), Nacîye Ulukutuk (56),Reşît Saydanoglu (75), Abdî Hamzaoglu (68),  Okkaş Akbulut (69), Kahraman Taş (71) û Alî Saffet Kanpolat (64) dinyaya xo bedilnayî û dimayê şewatî kesê ke nêweşxaneyê bînan rê neql bî; Osman Daşdemîr (79) û Medîne Harman (63) dinyaya xo bedilnayî hûmare resa 10. No serê sibayî zî nêweşo Hamo Aslan (72) neqlê nêweşxaneyê Dewlete yê 25 Aralikî de dinyaya xo bedilna û hûmare resa 11.