COLEMÊRG - Goristanê Serê Solanî yê Taxa Sumbulî, cayê cenazeyê "bêkesan" ê aîdê HPG, YJA -STAR, YPS û YPGyijan tarîxê cîya de ameyê definkerdene, seba ke gorî pêwa ameyê viraştene, bi demî dir herra înan têmîyan bena û gorî yewbînan ra cîya nêbenê, ver bi tehlukeyê vindîbîyayîşî yê.

 

Goristanê Serê Solanî yê Taxa Sumbulî, cayê goristanê ke cenazeyê "bêkesan" ê HPG, YJA -STAR, YPS û YPGyijan tarîxê cîya de ameyê definkerdene, berê ci ame kilîtkerdene, cenazeyê ke teslîmê keyeyê înan nêameyê kerdene, numre nusenê û cayê cîya de defin kenê.

 

Eke numrekerdişê goristanî esas bêro girewtene, 9 cenaze beşê ke sey goristanê bêkesan yeno binamekerdene, ameyê definkerdene. La seba ke bi demî dir herra goran kewta têmîyan, beno ke na hûmare bêvûrîya. Gorê ke yenê îdakerdene HPGyijê rojhelatê Kurdistanî zî uca de ameyê definkerdene. Derheqê nasnameyê cenazeyê ke ameyê definkerdene de zî tu zanayîş çin o. Goreyê zanayîşê ke kesê şahidan ra ameyê girewtene, cenazeyan şan de bi helîkopter ardê û bihawayêk lezabez cayê goristanê bêkesan de ameyê definkerdene.

 

Goristan binê xetereyê hezazî de ya

 

Gorê ke tu mabên înna rê nêmaeyo dayene, tay mendo herra înan têmîyan de bo. Na rewşe zî 282 cenazeyê ke demê vîyarte de Goristanê Xerzanî yê Bedlîsê ra ameyî vetene ke dimayê ci Goristanê Kilyosê Stenbolî de zî payerayîr de ameyî definkerdene ano vîrê merdimî. Sewbîna gorê ke qilê koyî de ameyê definkerdene, rewşêk hezazî de bi tehlukeyê vindîbîyayîşî dir rî bi rî yê.