COLEMÊRG - Avûkate Harîka Gunay Karataş derheqê çalakîyê grevê vêşanîye yê hemverê tecrîdê serê Rayberê PKKyî Abdullah Ocalanî û binpaykerdişê heqan, zîndanan de ame destpêkerdene, ercnayîş kerd. Harîka dîyar kerd ke tecrîd tena bi zîndanan sînordar nîyo û va: "Polîtikayê şer yê herêmî û xespê qeyûman yê serê cinîyan zî perçeyêk tecrîdî yo."

 

Tepişteyan hemverê tecrîdê serê Rayberê PKKyî Abdullah Ocalan û binpaykerdişê heqê zîndanan de 27'ê Teşrîna Peyêne de dest bi grevê vêşanîye kerdî. Çalakîyê grevê vêşanîye heme zîndanan de vila beno. Îqtidar reyna grevê vêşanîye nêvîneno. Derheqê babete de Harîka Gunay Karataş ercnayîş kerd.

 

'Faşîzm bi îqtîdarî tewr zêde vejêno'

 

Harîka dîyar kerd ke serê Rayberê PKKyî Abdullah Ocalanî de tecrîdêk yeno kerdene û va: "Tecrîd hêrişê serê ziwan û têkoşînê şarê Kurdî yo. Heta 2011 de no tecrîd ame dewam kerdene. Dima ra zî nêzdîyê 800 avûkatan waştişê pêvînayîşê bi Abdullah Ocalanî dir kerd. Dimayê 8 serrî dima tecrîd kêm bo zî rawişt. No bi têkoşînê zîndanan bi. Nika faşîzm bi îqtîdarî tewr zêde vejêno. Tedayê Zîndanê Amedî ehlaqê Esad Oktay nika bi AKP-MHPyî dir dewam keno."

 

'Tecrîd serê şarê Kurdî yeno kerdene'

 

Harîka va ke tecrîd serê heme kesan de yeno kerdene û va: "Bi pandemî dir qanûnê înfazî, açerya qanûnê cîyabîyayîşî. Kesê tecawuzkar, dizdî ameyî veradayene. Kesê ke seba cuye weş bikerê, zîndanan de mendî. Tecrîd tena zîndanan de sînordr nîyo. Polîtikayê şerî yê herêman û xespê qeyûman yê serê cinîyan zî parçeyêk tecrîdî yo. Tecrîd serê şarê Kurdî yeno kerdene."

 

'Têkoşînê tepişteyê ke grev de yê dewam keno' 

 

Harîka tewr peyîn wina va: "Seba têkoşînê cuye peynî bibo, tehdîdêk esto. La tepişteyê ke grevê vêşanîye de yê, têkoşînê xo dewam bikerê. Bi çalakîya xo veng danê wicdanê komelî. Dewlete mecbûr a ke vera ke na çalakî bi merg netîce biba û bedenê çalakgeran zirarêk pîl bivînê, çareserîyêk bivîna."