AMED - Endama Meclîsê Ciwanan ê HDPyî Kezban Kuday bale ant serê polîtîkayê taybet yê şerî û va: "Şaristanê kurdan her wext hedef yenê girewtene. Gulîstan Doku çira nîna vînayene? Çira delîlê ke estê la versucê Îpek Er nîno tepiştene? Kercews, Şirnex û Hênî yê Amedî de cinîyê ciwanî bi desteştiş û  tecawuz dir rî bi rî manenê. Çira versucê înan nînê cezakerdene? La hemverê nê polîtîkayan, cewabo tewr baş zî xopawitiş o." 

 

Hemverê endam û xebatkarê Meclîsê Ciwanan ê Partîya Demokratîke ya Şaran (HDP) teda her ke şino zêde beno. Tewr peyîn 27’ê teşrîna peyêne de xeylêk şaristanan de polîsan sereştişê keyeyan kerd. Endamê Meclîsê Ciwanan zî ci de, bi desan kesî ameybî destbendkerdene. Derheqê babeta teda û destbendkerdişan de endama Meclîsê Ciwanan ê HDPyî Kezbane Kuday ercnayîş kerd.

 

'Ma xebatan ra netîce nêgirewt' 

 

Kezbane dîyar kerd ke destbendkerdiş û tepiştişan de tewr zêde cinîyê ciwanî tesîr bî û wina va: "Her çiqas wareyê xebatê ma yê bi rêxistinbîyaye zêde beno, hende zî tedayê serê ma zêde beno. Ma polîtîkayê ke ê kenê, veng vejenê û ma alternatîfan aver benê. 2 mengan de nêzdîyê 500 HDPyî ameyî destbendkerdene. Nê destbendkerdişan de nêzdîyê 100 kesî ameyî tepiştene. Nê ra zî tewr zaf cinîyê ciwanî tesîr bî. Ma xebatêk dabî destpêkerdene. A xebate derheqê rêxistinbîyayîşê ciwanan, hemverê tiryakî û hemver fihûşê bî. Sewbîna seba averşîyayîşê komelî zî ma xeylêk panel, bername û seyranan organîze kerd. Ma waşt ke ciwanî polîtîkayê şerê taybet ra dûr bifînê. Netîcegirewtişê ma dir faşîzmê AKP-MHPyî bi polîtîkayê newe bi newe vejîyayî vernîya ma. Hedef de hêrişê ciwanan bi."

 

'Serê keyeyan de şerêk psîkolojîk yeno kerdene'

 

Kezbane va ê rayîr nêdanê nê polîtîkayan û va: "Nê demê peyînan de 7 embazê ma ameyî tepiştene, çend embazê ma zî destbedn bî. Her çalakî de cinîyê ciwanî hedefê polîsan de yê. Keyeyê ke ma geyrenê û bi tehdîdan bidê tersnayîş. Bi nê polîtîkayê xo yê lêşin wazenê ke têkoşînê ma yê seba azadîya cinîyê ciwanan vejîyê."

 

'Tewr zêde cinîyê ciwanî hedef yenê girewtene'

 

Kezbane bale ant serê hedîseya  Kercewsê Êlihî zî wina va: "Elbet pêro şaristanê kurdan hedef de yê la bi taybetî nê demê peyîn de serê Êlîhî de zêde yeno vindayene. Dewî û qezayê Êlîhî de dewlete hêzê xo bi ca kena. Bi no hawa serê cinîyê ciwanan de wazenê polîtîkayê xo bi ca bîyarê. ê, dewlet hêzên xwe bi cih dike. Polîtîkayê înan zî eşkereyo ke cinîyan hedef ênê. Gulîstan Doku çira nîna vînayene. Çira pêwa delîlan, versucê Îpek Er nîno tepiştene. Şirnex û qezaya Hênî ya Amedî de cinîyê ciwanî desteştiş û tecawuz dir rî bi rî mendî. Rejîmê AKP-MHPyî wazeno ke kesê ke îstîsmarkerdişê domanan ameyê cezakerdene, senîn bêrê edûkerdene dir vindenê. Polîtîkayê xo wazenê serê heme şaristanê Kurdistanî de vila bikerê."

 

'Ma do xo bipawê' 

 

Kezbane tewr peyîn wina va: "Eke cinîyê ciwanî bi hişmend bibê, do bi eşkê polîtîkayê ke yenê kerdene veng vejê. Hemverê nê polîtîkayan cewabo tewr pîl zî xopawitiş o. Xopawitiş zî rêxistinbîyayîşo tewr pîl o. Ma zî xebatê xo bi no hawa kenê.  Ma 8’ê menge de deklarasyonê bi nameyê, 'Nika seferberîyê binevş’ da destpêkerdene. Ma seba heme nê polîtîkayê taybet ê şerî, tacîz, dersteştiş, şîdet û tedayan deklarasyonê xo îlan kerd. Ma do demê aver de xebatê xo hîra bikerê."