WAN - Cinîyê Wanijî dîyar kerd ke kesê ke nê welatî îdare bikerê, krîzê ekonomî berpirsîyar ê û vatî ma wazenê ke seba krîzê ekonomî çareserîyêk bêro vînayene.

 

Krîzê ekonomî yê welatî her ke şino kûr beno. Bêkarî û zam welatîyan keno mîyanê tengayî. Welatîyê ke binê tesîrê krîzê ekonomî de manenê; nêeşkenê kîra, fatureyê elektrîk û awe bidê. Nêeşkenê mesrefê yê metbaxî vejê. Cinîyê Kuçeyê Hacibekirî yê qezaya Rayîrê Armûşê Wanî de ciwîyenê, dîyar kerdî ke krîzê ekonomî ra îqtîdar berpirsîyar o û ganî çareserî nêrê bêro vînayene.

 

'Mi deyn girewt ez eşkeya komir bigîra'

 

Nazli Akbulut dîyar kerd ke krîzê ekonomî pandemî de hîna bîyo giran û va: "Keyeyê mi kîra nîyo, la ez debara xo bi zor kena. Fatureyê elektirîk û awe zêde yenê. Na menge 700 TL fatureyê elektirikî ame. Seba ke ez nêeşkana bidî, mi îtiraz kerd. La nêame qebulkerdene. 40 kîs komir yeno dayene. No qîmê ma nêkeno, coka mi bideyn girewt. Mêrdeyê mi bazar de fêkî roşeno. Seba vayî zaf a, kes nêgîno. Varê vayî hîna baş bî."

 

'Kesê ke nê welatî îdare kenê krîzê ekonomî ra berpirsîyar ê'

 

Nazli Yeşile zî wina va: "Kesê ke nê welatî îdare kenê, krîzê ekonomî ra berpirsîyar ê. Birayê mi mamosta yo la nika keye de nişneno ro. Seba ke kar çin o, domanê ma bêkar ê. Ma nêeşkenê fatureyê elektirîkî bidê. Na menge 700 TL ame. Ê verê ci zî hezar TL bi. Merdimî perîşan bî. Ganî çareserîyêk nê krîzî rê bêro vînayene."

 

'Ez nêeşkena her çî seba mutbaxî bigîra'

 

Şerîfe Aksoy dîyar kerd ke keyeyê înan de 13 kesî yê û va: "Seba krîzê ekonomî cuye bîya zehmet. Her çî zaf bîyo vay. Kiloyê rûnê 5 kîlo bîyo 50 TL. Ma wazenê cuyêka bi hizûr biciwî yê. Ma wazenê her çîerjan bibo. Ma wazenê aştî bêro. Eke aştî bêro kerdene, do krîz zî biqedo."

 

'Ma nêeşkenê lazimîyê xo bi ca bîyarê'

 

Besna Karaman dîyar kerd ke pandemî de kar hîna bîyo zehmet û va: "Ez her menge 400 TL kîra dana. Ma hema bi zor debara xo kenê. Bêkarî esto û domanê mi nêxebityenê. Vayîya ardî bîya 150 TL. Wa çareserîyêk nê krîzî rê bêro vînayene, merdimî perîşan bî. Ez nêeşkena lazimîyê domananê xo bi ca bîyarî."