ENQERE - Avûkat û temsîlkara CISST'ê Cansû Şekerci dîyar kerd domanê ke zîndanan de manenê, heqê xo yê weîye û werdî ra bêpar yenê verdayene û no zî beno sebebê problemê pîl û wina va: "Domanê ke zîndanan de manenê, dermanê psîkîyatrî xebitnenê."

 

Zîndanê Tirkîya de binpaykerdişê heqan zaf qewimyenê. Bi taybetî domanî nê ra zirarêk pîl vînenenê. Goreyê dayeyê Komeleya Heqê Merdiman (ÎHD) hûmara domanê ke zîndanan de manenê, 780 ya. Derheqê babete de avûkat û temsîlkara CISSTî Cansû Şekercî ercnayîş kerd.

 

'Problemê weşîye rî danê'

 

Cansûye dîyar kerd ke problemo tewr pîl ê domanan bêparverdayîşê weşîye înan o û wina va: "Problemê weşîye dayîkbîyayîş dir rî dano. Yan zî zîndanan de rî dano. Labelê  zîndanan de tu tepişte nêeşkeno/a heqê weşîye ra feyde bigîro. Gama ke tepişteyan benê nêweşxane zî no beno problem. Domanê ke emrê înan 0-6 ganî doktorê pispor înan dir eleqedar bê. Labelê zîndanan de îmkanî zaf kêm ê. Îdareyê zîndanê nê dir eleqedar nêbeno. Muracatê ke ma rê yenê kerdene, dayîkî vanê domanê înan nêeşkenê baş werd biwerê."

 

'Domanî hawayê pak nêeşkenê bigîrê'

 

Cansûye dîyar kerd ke cîyayî kenê mabêne domanan û wina va: "Goreyê meslegê sucê dayîkan, domanî zîndanî muameleyêk vînenê. Domanî hawaya pak nêeşkenê bigîrê. Wexto ke bigîrê zaf tay o. Wareyê resnayîşê heq de têduştîyêk çin o. Ganî domanî nêrê hepskerdene."

 

'Pitikê 10 rojî ganî nêrê tepiştene'

 

Cansûye wina dewam kerd: "Ma bî şahid ke domanêk 10 rojî pêwa dayîka xo kerdî nêwaşxane. Wexto ke domanî yenê tehlîyekerdene zî do dima ra se bikerê. Derheqê na babete de hukmat nêbeno hetkar. Mekanizmayêk hetkarî nêame awankerdene. Sewbîna Tirkîya de zîndanê domanan 7 padaye yê, 4 ci ra akerde yê. Hîn domanî zîndanê pîlan de yenê tepiştene. Domanî eşkenê kantîn ra feyde bigîrê, labelê kantîn de awe zî vaya. Domanî eşkenê zîndanan de şîdet yewbînan ra bikerê. Memûrê Pawitişê Înfazî zî şîdet kenê û domanî tesîr benê. Xeylêk domanî dermananê psîkolojî wenê û xeylêk zî hewl danê  ke întihar bikerê."

 

'Domanê kêna nêvînayene yenê dîyaye'

 

Cansûye bale ant serê domanê kêna û wina va: "Domanê kêna koguşê pîlan de yenê tepiştene û nêvînayene yenê dîyene. Sîstemê edaletî goreyê heqê domanan nîyo, coka xeylêk heqî yenê binpaykerdene. Domanî wexto ke vejênê teber, seba suc nêkerê paştdayîş nîno dayene. Coka îhtimalo ke domanî reyna suc bikero esto."