AMED - Cinîyan bale ant tecrîdê serê Rayberê PKKyî Abdullah Ocalan û wina vatî: "Bêvengîya hemverê tecrîdî, hemkarîyê ci îşkence yo. Eke tecrîd wirzo, do tecrdîdê serê cinîyan zî serê şarê zî wirzo."

 

Tecrîdê hemverê Rayberê PKKyî Abdullah Ocalan her roja ke derbaz beno, tewr giran beno. Qerarê ke seke qedexeyê telefon û pêvînayîşê avûkatan sewîyeya tecrîdî ramojneno. Hemverê tecrîdî reaksîyon û nêrazîbîyayîşî Kurdistanijan zêde beno. Zîndananê herême û Tirkîya de dimayê serrêk û nîm reyna çalakîya grevê vêşanîye rojeve de ya. Tepişteyê dewaya PKK û PAJKî zîndanê cîya de yenê tepiştene, hemverê tecrîd û îhlalkerdişê heqan 27’ê teşrîna peyêne de çalakîya grevê vêşanî yê bêdem û bidor dayî destpêkerdene.

 

'Şexsê birêz Ocalanî de hemverê Kurdan tecrîd esto'

 

Endama Meclîsê Şaredarîye Şehrîban Zugurlî dîyar kerd ke tecrîd bi demî dir yeno girankerdene û va: "22 serrî yo şexsê birêz Ocalanî de şarê Kurdî binê tecrîd de yo. Polîtîkayê tecrîdî çiqas amancê bêveng verdayîş, pelçiqnayîş bo zî, birêz Ocalan zîndanê Îmralî de bi vurnayîşê çarenûsê probleman û mektebî. Bi no hawa xeylêk pêşnîyazî û çarenûsî vet meydan. Bi tecrîdkerdişî yeno waştene ke fikr û fehmmê birêz Ocalanî nêreso şarê Kurdî. Bi no hawa ma eşkenê vajê ke seba nînan tecrîd û îzolasyon ame girankerdene."

 

'Cayê çareserkerdişê probleman Îmralî yo'

 

Şehrîbane va, çareserkerdişê problemanê Tirkîya Îmralî yo û wina va: "Seba nê çî ganî ma cigêrayîşê rayîr û metodê çareserkerdişê probleman de bi zerrî ra bê, ganî ma sere de nê tecrîdî wedarnê. Nika zîndanan de tepişteyê sîyasî seba tecrîd û îhlalkerdişê heqê zîndanan de grevê vêşanî de yê. Ganî ma teber û zere de wayîr çalakîya înan vejîyê û têkoşînê înan hîna pîl bikerê. Seba ke tecrîd sucêk merdimayî yo. Eke ma nêrê bêveng bimanê, ê do bibê şirikê nê sucî. Heta ke tecrîd peynî bibo, ma do hemverê ci têkoşîn bikerê."

 

'Tecrîd wirzo do tecrîdê serê cinî zî wirzo'

 

Asîye Şîmşek zî dîyar kerd ke eke tecrîd wirzo do Rojhelato Mîyanên de aştîyêk mende bi ca bêro û wina va: "Ma qetî tecrîd nêwazenê. Ganî êdî tecrîd wirzo û her kes zano ke rayîrê aştî Îmralî ra derbaz beno. Ganî dinya çimê xo tecrîd rê panêdo. Tecrîd wirzo do tecrîdê serê cinî zî wirzo, do serê şarî zî wirzo."

 

'Ma êdî nêwazenê kes bimro'

 

Edîbe Ozbey zî bale ant serê grevê vêşanî û va: "Ma wazenê tecrîd wirzo û berê zîndanan abibo. No şer êdî mîyanê ma ra vejîyo. Seba îhlalkerdişê heqan, domanê ma dest bi grevê vêşanîye kerdî. Nika nêweşî zî esta, ma seba nê bi endîşeyîn ê. Ma nêwazenê ciwanê ma bimirê. Par zî ciwanê ma merdî. Êdî wa no zulm biqedo."