ENQERE - Zîndanan de koma 3. grevê vêşanîye dewir girewt. Tepişteyan vat: ''MA do heta peynî xo ver bidê û tecrîd bişiknê.''

 

Tepişteyanê PAJK û PKKyî 27ê teşrîna peyêne de vera tecrîdkerdişê Rayberê PKKyî Abdullah Ocalanî de dest pê grevê vêşanîye yê bêdem û biagêrayîşî kerdî. Koma 3. roja 11. de grevê vêşanîye dewir girewt.

 

Zîndanê Tarsusî ra Mehmet Abay û Vedat Bektaşî grev dewrê Veysî Denîzhan û Serhat Borakî kerd.

 

'Ma do ruhê serewedaritişî bi serberzî tacîdar bikerê' 

 

Tepişteyan no mesaj da: ''Ma qerardar ê ke tecrîd pê xoverdayîşî bişiknê. Ma soz danê ke ma do pê ruhê 14ê Temmuze wayîrê têkoşînî vejîyê û nê ruhê xoverdayîşî pê serkewtişî tacîdar bikerê. Xoverdayîş û raştîye do ser bikewê.''