COLEMÊRG - Cinîyê  Geverijî seba tepişteyê PKK û PAJKî yê ke 27'ê Teşrîna Peyêne ra serê Tecrîdê Rayberê PKKyî Abdullah Ocalan û hemverê îhlalkerdişê heqan ê zîndanan dest bi grevê vêşanîye bêdem û bidor kerdî, veng dayî îqtîdar.

 

Çalakîya grevê vêşanîye ke hetê tepişteyê PKK û PAJKî ra ame destpêkerdene, roja 8in de dewam keno. Cinîyê qezaya Geverî ya Colemêrgî yê ke domanê înan tepişte yê, seba tecrîdê serê Rayberê PKKyî Abdullah Ocalan û seba rewşa domananê înan nêkewo tehluke, veng dayî hukmatî û vatî: "Waştişê domananê ma qebûl bikerê. Ma nêwazenê cenazeyî zîndanan ra vejîyê."

 

'Ma nêwazenê zîndanan ra cenazeyî vejîyê'

 

Mehsîma Yaşara ke domanê aye bi serran o zîndanan de yê û vera na çalakî, lajê aye 100 rojan grevê vêşanî de mendo û wina va: "Çalakîya demê verê de ez şîya mi lajê xo dî û ez kewta fikrê ke beno ke reyke bîn ey nêvînî. Wa waştişanê domananê m abi ca bîyarê. Ez nêwazena ne lajê mi ne zî tu tepişteyê bîn bikewê grevê vêşanîye. Wa tecrîd bêro peynîkerdene ke domanê ma nêkewê grev. Çalakîya verê nê zî zîndanan ra cenaze vejîyayî, wa na rey nêvejîyê û zerrîya dayîkan nêveşo. Ez veng dana pêro dayîkan ke hemverê tecrîdî têkoşînê xo pîl bikerê û wa domanê ma grev de nêverdê."

 

'Wa her kes bi domananê xo dir bikewo grev'

 

Saadet Dogma zî dîyar kerd ke seba pêro tepişteyan azadî wazena û wina va: "Wa tu dayîke nêbermo û her kes hemverê tecrîdî têkoşîn bikerê. Heqê kurdan zî esto ke azad biciwîyê. Ma nêwazenê ke domanê ma zîndanan de bimanê. Pêro ciwanan kerdê zîndanan. Kesê sûcdar teber de yê û bêsuc zî tepişte yê. Wa waştişanê înan bi ca bîyarê. li derve ne û yên bê sûc jî girtî ne. Ma nêwazenê domanê ma bikewê grev. Wa pêro dayîkî wirzê serê lingan, verê zîndanan de bikewê çalakî. Wa her kes bi domanê xo dir bikewê grev."

 

Nîharî Daniş zî va: "Ez veng dana pêro dayîkan û vana ke ma pîya nê tecrîdî peynî bikerê. Wa berê zîndanan bêrê akerdene, tu kes nêmiro û zerrîy atu dayîke nêveşo. Ma aştî û azadî wazenê. Bi serran o şarê ma binê tecrîdêk giran de ciwîyeno."

 

'Ma do pey domananê xo de bê'

 

Gulsum Dogma va nêwazenê dayîkî bibermê û win ava: "Ma nêwazenê domanê ma zîndanan de bimrê. Ma tecrîd nêwazenê û nêwazenê ke domanê ma bikewê grev. Ma wazenê ke domanê ma azad bê. Êdî bes o dayîkî verê berê zîndanan de bigeyrê. Eke çareserî bi ca nêro, m ado verê domananê xo de bê û înan dir mîyanê çalakî de bê. Wa waştişê tepişteyan bêrê ca û grev peynî bo."