COLEMÊRG - Cinîyê TJAyijî yê çarçewaya kampanyaya “Ma Xo Pawenê" de cinîyan dir ameyî têhet wina vatî: "Cinî tena nîyê. Cinî gama ke têhet de bê, bi hêz ê.

 

Çarçewaya kampanyaya “Ma Xo Pawenê" de xebatê cinîyê TJAyijî yê Colemêrgî û qezayê ci de, dewam kenê. Aktivîstê TJAyî xeylê qeza û şaristanan de ameyî têhet û prosesê kampanya erjnayî.

 

'Ma hemverê tedayê komelî yê serê cinî de şer bikerê'

 

Aktivîsta TJAyî Oznûre Evîn dîyar kerd ke xebata înan roja parlamentera Leyla Guven startê kampanya dayî, heta ewro dewam kerdo û va: "Cinî tena nîyê. Wexto ke cinî têhet de bê, bi hêz ê. Ma ferq kerd ke şîdet tena hemverê bedenê cinîyan nîyo. Şîdetê psîkolojîk zî esto. Na xebate coka bi erj ê û ganî dewam bikerê. Do hemverê îstismarê domanan zî xebatê ma dewam bikerê. Sewbîna hemverê tiryakî û dafe ke hemverê ciwananyenê ronayene ma do wareyan de bê."

 

'Ma pîya bi hêz ê'

 

Oznûre wina dewam kerd: "Ma tîya veng danê pêro cinîyan. Şima tena nîyê. Ma pîya bi hêz ê. Embazê ke bi hêrişê cinsî rî bi rî manenê wa bêveng nêmanê. Wa kesê ke nê çî kenê bêceza nêmanê. Eke ma cinî dest nêdê yewbînan, xora no zîhnîyet do ma perçe bikero. Ma pîya bi hêz ê. Her cinîyê ke mexdûr benê, muracatê ma bikerê. Ma do verê înan de bê."

 

'Ma do kampanyaya xo hîra bikerê'

 

Aktivîsta TJAyî Selcan Saygi wina va: "Ma do tena bi kampanyaya 'Ma xo pawenê' sînordar nêmanê. Ma her wext warê vînayîşî çareserî seba problemê cinîyan de israr kenê. Ma mîyanê xebatê xo de dî ke cinî bawerîya xo bi ma anê. Umîdê embazê ma yê cinîyan zêde yo. Her wareyî de têkoşînî cinîyan esto. Keye, cayê karî de, wareyan de têkoşînê cinîyan esto."

 

'Seretewênayîş çin o têkoşîn esto'

 

Selcane wina va: "Seke ma sloganê xo de vanê, "Seretewênayîş çin o têkoşîn esto." Ma vanê pêro embazê ma yê ke şîdet bi înan yeno kerdene, nêtersê. Wa bêrê ma bibê yew."