AMED - Kitabxaneyê Lîlavî çarçewaya 25’ê Teşrîna Peyêne Roja hemverê Şîdetî serê cinîyan de kampanyaya kitaban da destpêkerdene. Kampanya Lîlavî do siba zî dewam bikera.

 

Kitabxaneyê Lîlavî çarçewaya 25’ê Teşrîna Peyêne Roja hemverê Şîdetî serê Cinîyan de kampanyaya kitaban dayî destpêkerdene. Kampanya kitabê ke babeta înan cinî yê. Kampanya ke 23’yê teşrîna peyêne de ameye destpêkerdene do hata 25’ê teşrîna peyêne dewam bikera. Derheqê kampanya de xebatkara Kitabxaneyî Lîlavî Berfîn Turan qisey kerd.

 

Berfîne bale ant serê 25 teşrîna peyêne û va: "Şîdet heme warê cuye de ameyo rêxistinkerdene. Wexto ke ma bala xo danê vînenê ke şîdet, bi dewletbîyayîşî ameyo destpêkerdene. Dewlete seba ke serwerîya xo serê komelî de bikerê cinî kerdê hedefê xo. Semedo ke kesayetê cinî de komel zî yeno bindestkerdene. Kultur û erjê ke destê cinîyan de bî, dest ra ameyî girewtene û cinî komelî ra dûr ameyî vistene. Bi no hawa şîdetê fizîkî, psîkolojîk û cinsî heta roja ewro ame kerdene."

 

'Hemverê zîhnîyetê serdest têkoşîn lazim o'

 

Berfîne tewr peyîn wina va: "Şîdetê serê cinî, êdî yeno zanayene ke problemêk komelî yo. Ma sey cinîyê ke bingeyê komelî awan kenê, vernê de têkoşînêk hetê hişmendî bidê. Seba ke ma qala fehmêk ke serdestîyê xo 5 hezar serran ra dewam keno kenê. Hemverê nê fehmî zî bêguman têkoşînêk hetê hişmendî de bêro dayene. Bi no hawayî bingehê têkoşînî hetê fikrî de xo averberdiş o. Ma zî nê esas girewt û kampanyayêk bi no hawa da destpêkerdene. Kampanyaya ma do 25ê teşrîna peyêne de zî dewam bikero."