STENBOL- Avûkatanê Rayberê PKKyî Abdullah Ocalanî seba ke muwekîlê xo reyde pêvînayîş bikerê reyna muracatê Serdozgerîya Komare ya Bursa kerd.

 

Avûkatanê Rayberê PKKyî Abdullah Ocalanî Newroz Uysal, Cengîz Yureklî, Mazlûm Dînç û Faîk Ozgur Erolî seba ke muwekîlê xo reyde pêvînayîş bikerê muracatê Serdozgerîya Komare ya Bursa kerd.

 

Tewr peyêne Rezan Sarica û Newroz Uysal 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo Abdullah Ocalanî reyde pêvînayîş kerdbi.

 

Dozgerîya Înfazî ya 2. ya Bursa 23ê êlule de Abdullah Ocalan û 3 tepişteyanê bînan rê qedexeyê pêvînayîşî yê 6 mengan da. 'Xerîteya Rayîrî' ya Abdullah Ocalanî ya ke 2009 de erşawitbi Mehkemeya Heqanê Merdiman a Ewropa (MHME) sey bahaneya qedexeyî ameye pêşkêşkerdene.