WAN - Cinîyan bale ant serê sucê hemverê cinîyan yenê kerdene û bêcezaverdayîşê sucdaran û dîyar kerdî ke ê bawerîya xo bi hukmî nêanê û vatî hemverê cinîyan sucê ke yenê kerdene, ganî têkoşîn bêro kerdene.

 

Welat de seba polîtîkayê bêcezaverdayîşî her roje cinîyêke hetê camêrdêk nêzdîyê înanê yenê qetilkerdene. Sucê hemverê cinîyan yenê kerdene, her roje zêde benê û benê versuc zî bi şerdê kontrolê edlî serbest yenê veradayene. Vistişê "halo baş" seba înan yeno kerdene. No zî cesaret dano kesê ke wazenê şîdet bikerê. Coka bawerîya seba muhakemeyî yena şiknayene. Cinîyê Wanîjî yê ke ma mikrofon dergê înan kerd û cinîyan va ke sucdar nînê cezakerdene û ê zî hukmî ra bawer nêkenê.

 

'Nêmuhakemekerdişê versucan ramojna ke edalet çin o'

 

Buşra Karataş dîyar kerd ke versucê cînayetê cinîyan bi rehetî teber ra geyrenê û wina va: "Ez bawerîya xo bi hukmî nêana. Versuc nînê cezakerdene, no zî ramojneno ke edalet çin o. Hukm zî zaf rehet o. Hîn qanûnê cinîyan pawenê estê labelê nê qanûnî nêkewenê pratîk. Zaf zêde kewtişê 'halo baş' yeno kerdene."

 

'Pênaseyê bi nameyê edaletî çin o'

 

Gulçin Asioglu da zanayîş ke seba cinîyêke camêrdî nêwazo yena qetilkerdene û wina va: "Eke kesêke şima nêwazena, ganî şima nê qebul bikerê. Mîyanê komelî de teda bi cinîyan yeno kerdene. Camêrdî hîna zêde qisey kenê. Wazenê ey vernî de bê û nê dir girêdayê hêrişkaran benê. cinî zî vengê xo nêvejênê. La ganî cinî bêveng nêmanê û xo bipawê. Ez bawerîya xo bi muhakemeyî nêana. Pênaseyêk bi nameyê edaletî çin o."

 

'Tirkîya de edalet çin o'

 

Esra Asiloglu dîyar kerd ke cînayetê cinîyan Tirkîya de zêde bîyo û va: "Ganî komel bêro heskerdene û bawerî aver şêra. La nê komelî de cinî wina nêkenê, şîdet kenê. Hukm nêheqan muhakeme nêkeno. Yê ke heqdar ê muhakeme keno. Tirkîya de edalet çin o. Qet zî nêvirazya."

 

'Kesê ke şîdet asteng kenê yenê cezakerdene'

 

Welatîyêke nêwaşt nameyê xo bida wina va: "Ez Tirkîya de asayîş de nîya. No welat de cînayetê cinîyan her wext esto. Labelê demêpeyîn de tewr zêde bîyo. Ez qetî bawerîya xo bi edalet nêana. Kadir Şeker semedo ke cinîyêke şîdet ra pawit, ame cezakerdene. Cezagirewtişê Kadir Şeker tesîrê serê komelî de zî keno. Ewro kuçe de şîdet bi mi bêro kerdene do kam mudaxale bikero? Ganî versucî bêrê cezakerdene."

 

'Ganî têkoşînêk komelî bêro dayene'

 

Îrem Birlik dîyar kerd ke reaksîyonê hemverê cînayetê cinîyan tena serê înternetî de manneo û wina va: "Eke seba cinîyan çîyêk bêro kerdene, ganî pîya bêro kerdene. Ewro şîdet beno ke bêro sereyê mi zî embazanê mi zî. Zedebîyayîşê cînayetê cinîyan qet baş nîyo. Versucî ceza nêgînê. Cinî ganî paştdayîş bidê yewbînan."