Ronîda Hacî 

 

HESEKÊ - Endama îdarekara Kongreya Starî ya Şaristanê Hesekî, Intîsar Hemadî dîyar kerd ke yewîya şarê Kurdî çeko tewr xurt o û wina va: “Ewro seba pawitişê erjê şorişî lazim o kurdî bibê yew û planê dişminî yê şerî birakiştişî nêkerê.”

 

Endama Îdarekara Kongreya Starî ya Şaristanê Hesekî, Intîsar Hemadî derheqê yewîya kurdan de dîyar kerd ke ganî kurdî nêverdê tarîx hetê birakiştişî de xo reyna bikero û wina va: “Ganî kurdî hem mabêne xo de yewîye awan bikera û hem zî nêbê kayê ke dewletî wazenê înan bikerê dişminê çîyê bînan.”

 

‘Yewîya ma çeko tewr xurt o’

 

Intîsare bale ant serê girîngîyê yewîya şarê Kurdî û wina va: “Wext ameyo ke Kurdî şîyar bibê û vengdayîşê azadî bikerê. Nêbeno Kurd birayê xo yê Kurd bikişo. Ewro ma vînenê ke hîn kurdî vera ke paştdayîşê yewbînan bikerê û şerê yewbînan kenê. Ma nê yewî qebûl nêkenê, ma nêbenê kayê destê dişminan de. Ma do yewîya xo bixebityê. Yewîya ma çeko tewr xurt o.”

 

‘Wazenê kurd û erebî zî şer bikerê’

 

Intîsare dîyar kerd ke hêzê tena seba berjewendîyê xo xebityenê, wazenê şer mabêne kurd û ereban de zî rî bîdo û va: “Dewletê ke tena xo fikrîyenê xo çi heyf her dem hewil danê mabêne kurd û ereban de zî şer vejîyo. Wazenê herra ma îşxal bikerê û ma çin bikerê. Serewedaritişî Qamişloyî de zî Rêjîmê BAASî mabêne kurdan û ereban de vet û verdayî ke merdimî bibê dişminê yewbînan. Ganî kurdî hem mabêne xo de yewîya awan bikerê hem zî nêbê kayê dewlete wazenê înan bikerê dişminê kerdişê bînan.”

 

‘Ma do rayîr nêdê ke tarîx xo reyna bikerê’

 

Intîsare vengdayîşê yewîya kurdan kerd û wina qiseykerdişê xo qedêna: "Ma nêverdenê ke tarîx xo reyna keno, ma nêverdenê ke şerê birskiştişî bikerê. Ma dişminê xo berê û serê caardişê şorişê xo bixebityê û sere verê waştişê dişminî nêtewênê. Herêmê vakur û Rojhelatê Sûrîye bi yewîya xo resnayê na sewîya. Ewro erjê şorişî lazim o kurd bibê yew û planê dişminî ê şerî biqedênê.”