DÊRSIM - Waya Gulîstan Doku ya ke Dêrsim de bi hawayêk guman ameye vinîkerdene Aygul Doku, va: "Gelo awa Munzurî Gulîstane daqurtna? Ma 309 rojî yo serê no pirdî de bi hawayêk neçar bende yê. Kesê ke 309 rojî yo serê nê pirdî de ma vindarnayê ganî hesap bidê."

 

Keyeyê Gulîstan Doku ya ke Dêrsim de unîversîte wendêne û 5ê Çeleyî de bi hawayêk bi guman vinî ya 309 rojî yo semedê vînayîşê aye têkoşîn dano. Selahîyetdaran îdia kerdib ke Gulîstane xo Pirdê Dînarî ra eşta û întîxar kerda. Semedê nê  îdîayan bi 309 rojî yo ke Gola Awbendê Uzunçayirî û herêma viyadukê Sari Saltukî binê awe de cigêrayîş yeno kerdene. Her çiqas ke keyeyê aye îdiayê întîharî bawer nêkerê zî xeylê xo şinê serê Pirdê Dînarî û hêvîyê ke Gulîstane ra zanayîş bigîrê.

 

‘Gelo Munzurî Gulîstane daqurtna?’

 

Waya Gulîstane, Aygul Doku dîyar kerd ke înan heta roja ewro tu zanayîşêk derheqê Gulîstane de nêgirewtê û wina va: "Hawa cemidyeno, va wirzeno û varan vareno. Çele ame. Wexto ke reyna bibo 5ê Çele. La tu zanayîş Gulistane ra çin o. Awa munzurî biewnê eke ez xo bi erzî gelo eşkena mi heta ça bera. Dimayê Gulîstane 6 kesî ke kewtî na awe û nêvejîyayî her şeş zî cenazeyê înan ame vetene. Gelo na awa Munzurî Gulîstane daqurtna? Çira hema cenazeya aye nêameya vînayene. 309 rojî yo ke ma serê nê pirdî de bi hawayêk neçar bendeyê zanayîşêkê yê.”

 

‘Ez bawer nêkena ke waya mi întîxar kerdib’

 

Aygule vatişê walîyê verî yê Dêrsimî Tuncay Sonerî ke va, "Kênaya şima Munzurî deya. Kênaya şima întîxar kerda. Ma ra bawer bê ez o cenazeya kênaya şima bidî şima” ard vîr û wina dewam kerd: "Mi qetî bawer nêkerd ke waya mi întîxar bikera. La wexto ke Tuncay wina qisey kerd mi va, beno ke çîyêk zano û mi bawer kerd. Ez nika walî Tuncay ra pers kena, cenazeya Gulistane ça de ya? Walî nika Ordu de ameyo wezîfekerdene. Dimayê ke her kes şi cayêk gelo do keyeyê Gulistane kênaya xo xo vîr ra bikero?  Awbendî de se ra 50 cigêeayîş ame kerdene. Dimayê ke sera se cigêrayîş bêro kerdene do raporan amade bikin û bibêjin ku ne di golê de ye. Ji xwe raporên xwe ji rew amade bikerê. Ma do o wext bipersê, 'şima nêvat kênaya şima gola awbendê yê Munzurî de ya.’ Gelo do o wext çi cewab bidê ma. Ma muhatabê hedîseyê û bendeyê cewabêk de yê. Sere de ma bawer nêkerdêne ke Gulistane awa awbendî de ya.”

 

‘Çi bi Gulîstane ame werte de yo’

 

Aygule dîyar kerd ke tu kes qalê şewa ke serebût ame meydan nêkeno û va: "Polîsêk ke 15 serran maseya cînayetî de xebityeno, çira dimayê vinîbîyayîşê Gulistane rema. Xeylê persê ma bêcewab ê û heta ke kênaya ma bêra vînayene zî ma do nê persan bikerê. Her kes sey ma fikrîyeno û eynî çî vano. Do selahîyetdarî key problemê çareser bikerê nêzana. Ma zanê ke wexto biwazê eşkenê bivînê. La şaristanêk wina qij de nêvînayîşê cinîyêka ciwane şerm o.”

 

‘Kesê ke ma serê nê pirdî de vindernayê hesap bidê’

  

Aygule tewr peyîn wina va: “Ez wazena ke wayîrê Gulistane bêro vejenê. Eke ewro Gulistane nêro vînayene do çira keyeyê domanê xo bierşawê Unîversîteya Munzurî yan zî unîversîtayêk bîn? Wicdanê edalet û huqûqî ke bermeno yo. Eke welatêk edalet û hûqûq çinbo do tu çîyêk nêbo. Eke Gulistane nêro vînayene do senîn baweriya mi bi edalet û hûqûqî bêro. Tu heqê înan çin o bi ma wina bikerê. Vînayîşê Gulistan Doku wezîfeyê Walî, dozger û emnîyetê nê şaristanî yo. Ez wazena kesê ke 309 rojî yo ma tîya vindarnayê hesap bidê.”