HESEKÊ - Keyeyê têkoşerê azadî û Dayîkê Gerîla derheqê hêrişê serê Başûr dayî zanayîş ke ganî şerê birakiştişî nêvejîyo û wina va: "Lazim o ke tarîx xo dubare nêkero û şerê birakiştişî nêbo. Zanê ke şarê Kurdî sere nêtewêneno û xeylê xoverdayox o, coka wazenê ke Kurdan bi destê Kurdan qir bikerê. Wa êdî kermê dare wa dare ra nêbo û wa şerê birakiştişî dest pênêkero. Ma eşkenê bi yewîye vernîya alozî bigîrê."

 

Hemverê hêriş û alozî Başûrê Kurdistanî de keyeyê têkoşerê azadî, endîşeyê xo ardî ziwan û bale antî serê yewîya mabêne şarê Kurdî de. Keyeyê têkoşerê azadîye wina vatî: “Wexto ke kurdêk, kurdêk bîn qetil keno, dewleta tirkî û cergê ci kêfweş benê. Ma zerrîya neyaran serê xo de kêfweş nêkerê û yewîya xo awan bikerê.”

 

‘Lazim o şerêk birakiştişî nêvejîyo’

 

Cinîya Ş.Serhed, Hedla Nemo wina va: "Hewn û xeyalê ma verê ra oyo ke ma şarê Kurd yewîya xo hemverê plananê dişminî awan bikerê. Dişminê sereyîn û yewin dewleta tirkî yê, no semed ra heta destê wazena bi metodê cîya kurdan qir bikera. Semedê nê nika amancê dewleta tirkî oyo ke Başûrê Kurdistanî de qirkerdişo pîl mabêne kurdan de virazna, no zî nêkeweno xizmetê şarê Kurdî. Yê ke ewro verdayî Kurdî bêrê naskerdene û şorişî bêrê awankerdene şehîd bî. Lazim o rêze gonîya şehîdanê xo rê bigîrê û nêverdê şerêk zereyîn vejîyo.”

 

‘Ganî hukmatê Başûr nêbo hemkarî dişminê şarê Kurdî’

 

Helda bale ant serê kerdişanê PDKyî yê Başûrê Kurdistanî û wina va: "Gelo Hukmatê Başûrî nêvîna ke senîn cinîyê Êzidî bazaran de ameyî rotene? Nêvînayê senîn Efrîn, Girê Spî û Serêkanî ame îşxalkerdene û çi kerdişî uca de yenê kerdene? Lazim o êdî Hukmatê Başûr bêro serê hişê xo û destê dewleta tirkî de nebo kay û nêbo hemkarê şarê Kurd. Eke Mesûd Barzanî fikrîyeno ke Erdogan paşta ey de yo, wa bizano ke kam hêrişê Şengalî kerd û cinîyê Êzidî remnayî û bazaran de rotî.”

 

‘Ma eşkenê bi yewîye vernîya alozî bigîrê’

 

Dayika Gêrîla ya YJA-STARî Semîra Şukrî zî wina va: “Lazim o ke tarîx xo dubare nêkero û şerê birakiştişî nêro meydan. Zanê ke şarê Kurdî sere nêtewênenê û xoverdayox ê, coka wazenê  Kurdan bi destê Kurdan qir bikerê. Wa êdî kermê dare, dare ra nêbo û wa şerê birakiştişî dest pênêkerê. Wexto ke kurdêk kurdêk bîn qetil keno, dewleta tirkî û cergê ci kêfweş benê. Ma zerrîya neyaran bi xo weş nêkerê û yewîya xo awan bikerê. Ma eşkenê bi yewîye vernîya alozî bigîrê. Paşta ma koyê ma yê. Coka ma wazenê ke şerêk mabêne gerîla û pêşmergeyan de nêvejîyo.”