Medya Uren

 

MÊRDîN - Roniştişê qerarê yê Ridvan Ogulî ke desteştişê 3 domanan kerdo do 7ê Kanûne de bêro vînayene.

 

Qoser de camêrdo bi nameyê Ridvan Ogul ke 2 domanê xo û birazayê xo bi qasê 7 serran desteştiş kerdib. Hedîse Hezîrana  2019 de, dimayê ke domanêk Ridvan Ogul wextê desteştiş kerd dîmen ant û mamosteyê xo rê va û hedîse vejîya werte. Mamoste dimayê hedîse eşnawit, domanan dir şino Serdozgerîya Komara ya Qoserî û gerre keno. Dimayê gerrekerdişî derheqê Ridvan Ogulî de tehqîqat yeno akerdene û û bi sûcê, “Kesî xoserî ra bêpar verdayene, desteştişê domanan” yeno tepiştene û erşawenê Zîndanê Tîpê E yê Mêrdînî.

 

Îdanameyî hetê Serdozgerîya Komara ya Mêrdînî ra derheqê Ridvan Ogulî de ameyo amadekerdene hetê 5in Dadgeha Cezaya girgiran ya Mêrdînî ra ame tesdîqkerdene.

 

‘Desteştiş 7 serran ame dewamkerdene’  

 

Goreyê îfadeyê domanan dayo dimayê ke dayîke înan dinyaya xo bedilna, bi serrêke domanan rê desteştiş yeno kerdene. Serra 2011 de dayîke dinyaya xo bedilnena û pî serra 2012 heta 2019 2 domanê xo û birazayê xo rê desteştiş keno.

 

‘Domanan gerreyê xo peyser antî’

 

Dimayê ke îdaname ame amadekerdene domanan gerreyê xo peyser antî û vatî çîyê ke ma vatê rast nîyo. Dadgehe vatişê înan qebul nêkerd û îfadeyê yewin esas girewt. Dimayê ke îfade ame tesdîqkerdene roniştişê ke Ridvan Ogul ci ra yeno muhakemekerdene 5in Dadgeha Cezaya Giran ya Mêrdînî ra ame vînayene. Roniştişê dewaya tewr peyîn zî 4ê teşrîna peyêne amebi vînayene. Dadgehe derheqê gumanbar de waştiş kerd ke ceza vera ke bêra fînayene, seba her mexdurêke cîya cîya ceza bêra dayene.

 

Roniştişê qerarî dewaya ci 7ê Kanûne de bêro vînayene.