Ronîda Hacî

 

HESEKÊ - Îdarekara Tevgerê Kultur û Hunerî ya Kantonê Hesekî Efaf Hesekî dîyar kerd ke sîstemê hemserekîye, sîstemê demokrasî û têduştî yo û wina va: "Nêqebulkerdişê sîstemê hemserekî ya hetê ENKSî ganekerdişê hişmendîyê pederşahî, îqtîdar û xizmetê dişminî yo. Şorişê ma bi ziwan û bi roniştişê sîstemê hemserekîye bi ser kewt.”

 

Konseyê Neteweyî yê Kurdî ê Sûrîye  (ENKS) dîyalogê bi partîyê sîyasî yê Kurdî yê vakûr û Rojhelatê Sûrîye de waştişê wedaritişê meteryalê bi ziwanê Kurdkî kerdî. Sewbîna waştî ke sîstemê hemserekîye herême ra bêro wedaritene. Derheqê babete de Îdarekara Tevgerê Kultur û Hunerî ya Kantonê Hesekî, Efaf Hesekê ercnayîş kerd.

 

‘Sîstemê hemserekîye mînareyê demokrasî yo’

 

Efafe derheqê sîstemê hemserekîye de wina va: “Ewro sîstemê hemserekî, bîyo modelê demokrasî û temsîlkarîyê rast ê cinîyan ê temamê wareyê xebate. Tena kurdî ney, pêro bîyayeyî nê sîstemî rê ameyê girêdayene. Seba ke nê sîstemî de heqê her kesî ci rê ameyo dayene. Nasname, bîyayîş û xeyalê her bicaameyîşî de ameyo werte. Sîstemê Hemserekî de cinî wayîrê rolêk girîng de bî, seba ke cinî edalet û têduştî kena. Cinî pelçiqnayîşê heqê bîyayîşan qebûl nêkena. Ewro redkerdişê sîstemê Hemserekîye yeno manaya ke nêwazenê edalet bêro roniştene. Seba ke sîstemê hrmserekî vernê de nêbo, do îqtîdar bêro vernî û heqê şaran bêro werdene.”

 

‘Şorişê ma bi ziwan û bi roniştişê sîstemê hemserekî bi ser kewt’ 

 

Efafe tewr peyîn wina va: “Seba caardişê hewn û xeyalê dapîr û bapîranê ma, sewbîna awankerdişê ameyoxêk bi kultur û nasname bedelê tewr giran ameyê dayene. Ewro nêqebulkerdişê meteryalê ziwanê kurdkî hetê kurdan ra çi heyf şermêk pîl o. Ma senîn hemverê bîyayîş û nasnameyê xo vejênê, ma senîn hemverê ameyoxê domananê xo û xeyalanê xo vejîyê? No nîno qebûlkerdene, ma bi ziwan, nasname û kulturê xo estê. Ma do asîmîlasyon qebûl nêkerê. Ma bi yewîye, pawitişê bîyayîş û nasnameyê xo bibê cewab pêro plananê îşxalkerdene û asîmîlasyonî. Şorişê ma bi ziwan û bi roniştişê sîstemê hemserekîye bi ser kewt. Şorişê ma bi ziwan û bi roniştişê sîstemê hemserekîye bi ser kewt.”