Pawitoxa heqê cinîyan Kader Ortakaya 6 serrî verê ewro serê sînorê Kobanê-Pirsûsî de hetê leşkeran ra ameye qetikerdene. 

 

Hîn hedîseyê girîng yê ke tarîx de ewro qewimyayê wina yê:

 

1867: Kimyager Marie Curie, ewro ameye dinya. Wareyê  radyoaktiviteyî de cigêrayîşê girîng kerd û netîceyê nê cigêrayîşan de Xelata Nobelî girewte. Mariye 1903 de Xelata Fîzîkî ya Nobelî û 1911 de Xelata Kîmyayî ya Nobelî girewt. Marie yewin cinîya ke Xelata Nobelî girewta. Eynî wextî de yewin merdima zanistî ya ke na xelate di rey girewta. 

 

1878: Kîmyager û Fîzîknas, Lise Meitner Viyanayê Avusturya de ewro ameye dinya. Liseya ke dimayê Marie Curie 11 serrî dima eynî roje de ameye dinya. Lîse xebatê Marîe ra bi tesîr û fisyonê nukleerî keşif kerd û Xelata Kîmyayî ya Nobelî girewt. 

 

2014: Demê ke hêrişê hêrişê DAÎŞî zêde bîbî û bi 10 hezaran kesî koçê sînorê Kobanî bîbî, Aktivîsta Heqê Cinîyan a ke Unîversîteya Marmarayî de lîsans kerdêne, Kader Ortakaya hemverê wehşetê ke ameyîne kerdene de bêveng nêmende û serê sînorê Kobanî de mîyanê zîncîrê merdimayî de cayê xo girewt. Kadera ke bi mengan ke zincîrê merdimayî nêvisya hetê  leşkeran ra ewro ameye qetilkerdene. 

 

2015: Paytextê Îspanya de, Madrit de bi vengdayîşê 400 rêxistinê cinîyan bi hezaran kesî hemverê şîdetî serê cinîyan de yeno kerdene rayrayîş kerdî. Xeylê temsîlkarê sendîkayan, partîyê sîyasî tewrê rayrayîşê verê weçînayîşê 20ê Kanûne bî.

 

2016: Bi hezaran cinîyan Fransa de seba ferqîyê meaşê mabêne cinsan de şermezar bikerê, 4 serrî verê ewro saete 16.34 de dest fek kar ra veradayî. Awankerdişê tevgerê femînîst ê bi nameyê Les Glorieuses, Rebecca Amsellem vatib, "Cinîyê Firansayî seba heqdestî camêrdî qezenc kenê, serre de 38.2 rojî zêdeyêr xebityenê.