Dewê Rojawan û Vakurê qezaya Til Temirî, bi pêroyî bi hêrişê dewleta tirkî û komê girêdayê aye dir rî bi rî yê. Dewa Silsama zî ke bi 7 km Rojawanê qezaya Til Temirî kewena, hetê dewleta tirkî û komê girêdayê ci ra yena gulevarankerdene û topvarankerdene. Nûra El-Heşî ya ke dewe de ciwîyena, behsê debara cuya xo ke zor û zehmetîyê şerî de kerd. 

 

'Awe û nêbîyayîşê ceyranî problemo sereyîn o'

 

Nûra wina dest bi qiseykerdişê xo kerd: "Bi pêroyî cuya sivîlan tîya baş a, la ma zehmetî hetê xizmetî de cuyenê. Seba ke zembel û xeta awe dewe ra nêameyo antene, ma awe zî bi tankerê awe ra gênê. Ceyranzî zaftay yeno û bi taybet gama ke ma bîran ra awe vejenê ma zehmetî ancenê."

 

'Berardişê emsarî zaf kêm o'

 

Nûra va ke vera peme û genim, zebeş ramito û wina va: "Ma emsar peme û genim, 7 donim erd bi zebeşan ramit, la seba kêmbîyayîşê awe, berardişêk baş ci ra nêameyo. Emsar goreyê her di serrê verê baş nêbi. Ma dendikê zebeşan zî zereyê ci ra vejenê, arêdanê û roşenê. Seba ke ma debara xo kenê."

 

'Binê topvaranî de ma têkoşînê cuye danê' 

 

Nûra bale ant serê hêrişê dewe û wina va: "Dimayê îşxalkerdişî êdî rewşa ma ya asayîşî û ekonomî zî baş nîya. Ma binê topvaran û gulevaranî de hewl danê ke biciwîyê. Binê topvaranî de ma têkoşînê cuye danê. Bîyayîşê mi keyeyê min o, ez îşxalkerdoxan rê nêverdana."