AMED - Baxçeyê Hewselî bi taybetmendîyê xo namdar ê û sewbîna xeylêk keyeyî zî debara xo uca de kenê. Destpêkê wisarî ra heta peynîya payîzî uca de kar kenê û kede danê. Berardişê ke uca de yenê kerdene û hem zî qîmê zimistanî kenê.

 

Hewsel, tarîx de heta ewro bi baxçeyê xo damdar o. Xeylê keyeyî tîya bi baxçeyê xo yê dir eleqedar benê û tîya xêrcê zimistanî heme mewsîman kedêk pîl yeno dayene. Bi nêzdîbîyayîşê mewsîmê zimistanî dir êdî hawa sard beno û xebatê ke  baxçeyan yenê kerdene qedênê. Nê baxçeyê ke her wext hetkarîya debara keyeyî kenê, her wext bi bereket ê. Qetî umîdê kesan vindî nêkenê. Keyeyî destpêkê wisarî ra heta peynîya payîzî tîya kar kenê. Berardişê ke tîya yenê kerdene qîmê hamnanî û hem zî qîmê zimistanî kenê.

 

'Amedekarîyê zimistanî zî qedyayî'

 

Ozlem Bozkurt ke bi keyeyê xo dir amadekarîyê zimistanî kena wina va: "Ma ewro seba viraştişê bastêq û meşlûle tîya yê. Sewbîna ma her roje yenê baxçe karê xo kenê. Êdî hamnanî qedîya û ma nêzdîyê zimistanî bî. Amadekarîyê ke ma seba zimistanî kenê, tewr zêde karê ma şenik keno. Ma bi keda destê xo berardiş kenê. Bi taybetî ma baxçeyê xo dir eleqedar benê. Xêrcê Hewselî ma nêşinê cayêk bîn ramitiş nêkenê. Uca de zî ma rê bîyê adetêk."

 

'Ma xoza ra dûr vindenê'

 

Ozleme dîyar kerd ke cinî û xoza  girêdayê yewbînan ê û wina va: "Wexto ke ma vanê hewsel xora cinîyê jîyat û karkerî yenê vîrê ma. Tîya boya ma bi xoza û daran vejêna. Êdî zafê însanan şaristanan de xoza ra dûr kewtê û hayeyê înan pîrozbîyayîşê xoza ra çin a. Berardişê ke ma tîya kenê seba debare yê. Ma destpêkê wisarî de dest bi ramitişê firîngî, balîcan, kuye, îsotan kenê û ma pê înan amadekarîya zimistanî kenê."