STENBOL- 12 şaristanan de endamê Grup Yorumî û avûkatî zî tede 93 kesî ameyî destbendkerdene.

 

Çarçewa tehqîqatê Serdozgerîya Komare ya Stenbolî de derheqê 120 kesan de bira destbendkerdişî ameye dayene. Vizêrî ra nata 12 şaristanan de heta nika 93 kesî ameyî destbendkerdene.

 

Avûkata Buroyê Huqûqî yê Şarî Seda Şaraldi û endamê Grup Yorumî Metîn Kalelî û Yaşar Coşkun zî ameyî destbendkerdene.

 

Buroyê Huqûqî yê Şarî da zanayene ke derheqê dosyayanê muwekîlan de 'bira nimite' esta û coka zanayîş nêdîyeno înan û seba 24 saetan pêvînayîşê bi avûkatan ame qedexekerdene.

 

Ame dîyar kerdene ke derheqê 27 kesan de zî bira tepiştişî esta.