STENBOL- Avûkatanê Rayberê PKKyî Abdullah Ocalanî seba ke muwekîlê xo reyde pêvînayîş bikerê reyna muracatê Serdozgerîya Komare ya Bursa kerd.

 

Avûkatanê Rayberê PKKyî Abdullah Ocalanî Razîye Turgut, Rezan Sarica, Serbay Koklu û Îbrahîm Bîlmez seba ke muwekîlê xo reyde pêvînayîş bikerê muracatê Serdozgerîya Komare ya Bursa kerd.

 

Dozgerîya Înfazî ya 2. ya Bursa 23ê êlule de Abdullah Ocalan û 3 tepişteyanê bînan rê qedexeyê pêvînayîşî yê 6 mengan da. 'Xerîteya Rayîrî' ya Abdullah Ocalanî ya ke 2009 de erşawitbi Mehkemeya Heqanê Merdiman a Ewropa (MHME) sey bahaneya qedexeyî ameye pêşkêşkerdene.