ŞENGAL - Bêrîtane (Gulnaz Karataş) serrgera 28in şehadetê xo yê Serdeştê Koyê Şengalî de ameye yadkerdene.

 

Berîtane (Gulnaz Karataş) 28ine serrgera şehadetê xo Serdeştê Koyê Şengalî de bi merasimêke ameye yadkerdene. Yadkerdiş de serê nameyê Tevgerê Azadîya Cinîyê Êzidîyan (TAJÊ) Hezar Mendo qisey kerd.

 

Hezare Mendo bale ante serê xoverdayîşê Bêrîtane û wina va: “Bêrîtane zulm û zorê serê cinî şarê xo de dî, seba azadîya şarê xo çek wedirna û têkoşîn kerd. Berîtana ke sozê xoverdayîşî da şarê xo û va, 'Heta ez saxbî ez o seba azadîya şarê xo têkoşîn bidî.' Bêrîtane nê sozê xo bi ca ard û heta peynîya cuya xo, xo ver da. Bêrîtana ke heta peynî xo ver da, hêrişê her çar hetê yê hemverê xo zî teslîm nêbî û dimayê ke fîşekê aye qedîyayî seba ke teslîm nêro tepiştene, xo zinar ra eşt. Bêrîtane bi nê têkoşînê xo seba ma hemine bî nimûne."

 

Yadkerdiş bi temaşekerdişê sînevîyono ke serê şexs û têkoşînê Bêrîtanê de bi peynî bi.