STENBOL - Muracatê Avûkatanê Rayberê PKKyî Abdullah Ocalanî yê seba pêvînayîşî yê vizêrinî ame redkerdene.

 

Avûkatanê Rayberê PKKyî Abdullah Ocalanî Newroz Uysal, Faîk Ozgur Erol, Cengîz Yureklî û Mazlûm Dînçî vizêr  seba ke roja îne muwekîlê xo reyde pêvînayîş bikerê muracatê Serdozgerîya Komare ya Bursa kerdbi. Muracatê avûkatan bi bahaneya qedexeyê pêvînayîşî yê 6 mengan ame redkerdene.

 

Dozgerîya Înfazî ya 2. ya Bursa 23ê êlule de Abdullah Ocalan û 3 tepişteyanê bînan rê qedexeyê pêvînayîşî yê 6 mengan da. 'Xerîteya Rayîrî' ya Abdullah Ocalanî ya ke 2009 de erşawitbi Mehkemeya Heqanê Merdiman a Ewropa (MHME) sey bahaneya qedexeyî ameye pêşkêşkerdene.