WAN - Endama Komeleya Cinîyan ya Starî Rojbîn Bor, derheqê Pêameyîşê Stenbolî ke bi akerdişê meclîsî reyde reyna bi babeta munaqeşeyî, ercnayîş kerd. Rojbîne wina vat: "Bi munaqeşekerdişê Pêameyîşê Stenbolî dir fermanê qirkerdişê cinîyan îmza kenê.”

 

Seba Vîrusê Koronayî (Covid-19) ke hema zî dinya binê tesîr de ya, şîdetê serê cinîyan her ke şono zêde beno. Cinîyê ke reaksîyon vera şîdetê serê cinîyan de ramojnenê, seba Pêameyîşê Stenbolî bikewo falîyet, kuçeyan de çalakîyanê xo dewam kenê. Reaksîyonê cinîyan, hukmatî rê peyser fame da eştiş labelê bi akerdişê meclîsî dir munaqeşeyê serê Pêameyîşê Stenbolî reyna dayî destpêkerdene.

 

Endama Komeleya Cinîyan ya Starî Rojbîne Bor, derheqê hedefgirewtişê Pêameyîşê Stenbolî de û qirkerdişê serê cinîyan de ercnayîş kerd.

 

‘Pêameyîşê Stenbolî seba ma manayêke cuye hewêneno’

 

Rojbîne dîyar kerd ke gameeştişê hukmatî yê peyser de protestoyê cinîyan ser de bi û wina vat: "Hukmat seba tecawuz, desteştiş, şîdet û îşkenceyê serê cinîyan de yê rehet nîyo. Hîn vatişê sey, 'cinî gerek nêhuyo’ hetê wezîfedaranê hukmatî ra yenê kerdene. No seba nebzê cinîyan bipawê, ame vatene. Cinî vejîyayî wareyan û reaksîyonê xo ramojnayî. Seba ke Pêameyîşê Stenbolî manayêke cuye hewêneno, ma micadele kenê.”

 

‘Zêdebîyayîşê qirkerdişê cinîyan bi destê îqtîdarî beno’

 

Rojbîne dîyar kerd ke îqtîdar mîyanê komelî de cinîyan nêvîneno û wina va: “2010 ra heta nika dayeyê serê şîdetê cinîyan her ke şono zêde beno. No hema hema di qat serrê verênan ra zêdeyêr o. Zêdebîyayîşê qirkerdişê cinîyan, bi destê îqtidarî beno. Nika muhakemeyê bi hawayêk yewperest têgeyreno. Polîtîkayê bêcezaverdayîşî bi mekanîzmayê binê destê dewlete de beno.”

 

‘Ma do eynî rolê xo dewam bikerê’ 

 

Rojbîne dîyar kerd ke ê do babeta Pêameyîşê Stenbolî de her wext verê cinîyan de bê û wina va: "Seba pawitişî, yewîye û paştdayîşê psîkolojîk de ma do eynî rolê xo kay bikerê. Ma do her wext heqê cinîyan bipawê.”