ŞEHBA - Goreyê çimeyê ke herême ra ameyê girewtene, herêma Efrînî de 280 hezar darê zeytûnan ameyê birnayene.

 

Efrîn de koçberî, talan, tecawuz, remnayîş û fidye waştiş dewam keno. Goreyê çimeyê taybetî 280 hezar darê zeytûnan ameyê birnayene, 20 hezar darî ameyî wedaritene û 15 hezar darî zî ameyê veşnayene. Sewbîna hûmarêka xeylê pîl zî darê tewir bi tewir ameyê birnayene û tewr zêde 15 hezar darî zî ameyê veşnayene. Hîn çimeyê bîn zî vanê ke hûmara qutkerdiş û veşnayîşê daran hîna zêde yo.

 

Goreyê çimeyê herême dewa Cûqî ya girêdayê merkezê şaristanê Efrînî ya bi seyan darê zeytûnan ameyê birnayene, sewbîna nê rojê peyîn de zî dewa Kaxirî, Mîrkan û Rûda qezaya Mabeta Efrînî de dewleta tirkî û çeteyê girêdaye aye bi seyan darê zeytûnan birnayî. Sewbîna goreyê zanayîşê ke kewtî destê ma keyeyê çeteyan dest dayê serê mulkê şarî û nêverdenê welatî derbasê mulkê xo bê. Reyna na babeta ra girêdaye serê her darêke zeytûne, çeteyî 2 hezar perayê Sûrî wayîrê daran ra gênê û bi zor zî berardişê ke zeytûnan ra vejêno, xo rê benê.  Kesê ke wazenê hemverê kerdişan vejîyê zî hetê çeteyan ra yenê tehdîtkerdene.