QERS - Hepsîya bi nameyê Delîla Erkmen bale ante serê pêwa tehlukeyê pandemî yê hepsîyê sîyasî rî bi rî ameyî verdayîş û va, şîdetê ekonomî û va zîndanî agêrayî wareyê sermayeyî. 

 

Zîndanan de her roje îhlalkerdişê heqan vejêno meydan. Hepsîyê sîyasî zî mecbûr manenê ke mîyanê şertê giran de biciwîyê. Krîzê ekonomî ke seba pandemî zêdeyêr bîyo hem zor dano merdimê hepsîyan, hem zî dano hepsîyan. Birayê Delîla Erkmen ke seba îdiayê "Endamîya rêxistine" bi 8 serrî yo Zîndanê Girewteyê Cinîyan ê Tîpê Myê Bayburtî de yena girewtene, Mahir Erkmenî vayîya zîndanî sey 'sermaye' qal kerd û ard ziwan ke seba krîzê ekonomî hem aye û hem zî hepsî nêeşkenê debara xo bikerê. 

 

‘Maya mi verê ke Delîla bivîno dinyaya xo bedilna’

 

Mahirî dîyar kerd ke Delîla 2012 de ameye destbendkerdene û aye berdê Zîndanê Cinîyan ê Girewteyê yê Bedlisî û dima ra zî berdê Zîndanê Girewteyê yê Cinîyan ê Tîpê M yê Bayburtî û dîyar kerd ke wexto ke Delîla Zîndanê Cinîyan ê Girewteyê Bedlisî ameyîne girewtene û wina va: "Nê serdemî de hetê debare de ma rojê xidar derbaz kerd. Seba ma şêrê pêvînayîşî ganî ma serê sibayî reyde vejîyê meydan. Seba Erzirom tewr zêde nêzdîyê Qersî bi ma waştişname de labelê nêame qebûlkerdene. Ma waşt ke Erzirom bo ke ma hîna rehet şêrê pêvînayîş. Maya mi seba nêweşîya xo nêeşkabi biameyîne pêvînayîş. Maya mi verê ke Delîla bivîna dinyaya xo bedilna.”

 

‘Xêrcê kitabê zîndanî merdim nêeşkeno kitab bierşawo’

 

Mahir dîyar kerd ke Delîla çalakîya grevê vêşanîya 2018 de ya bi rayberîya Hemsereka KCDyî û aktivîsta Tevgerê Cinîyan ê Azad (TJA) Leyla Guven amebî destpêkerdene 160 rojî grev de mende aye û embazê aye dima ra bi hucreyê yewkesî ameyê cezakerdene û wina va: "Bi prosesê qedexeyê newe dir zîndanan ameyî îlankerdene. Verê ma eşkayîne hacetê qirtasîye teber ra bierşawitêne. Sînorkerdişê rengê cilan çin bi. Xêrcê kitabê zîndanan merdim nêeşkeno teber ra bierşawo.”

 

‘Faturayê ceyran û awe hepsî danê’ 

 

Mahîrî bale ant serê krîzê ekonomî ê prosesê pandemî ke tewr kûr bîyo û va: "Hepsî pereyê înan qîmê kantînî nêkeno. Tîya ma kîloyê penîr bi 30 bigîrê bi 50 TL yo. Fatureyê ceyran û awe hepsî danê. Seba pandemî bêkarî zî zêde bi. Bi 8 mengî yo ke ez nêxebityena. Ez bixebityî pere keweno keyeyê mi, ez nêxebityena pere nêkeweno keyeyê mi. Ma nêeşkenê ne xo rê ne zî hepsîyan biewnê.”

 

‘Ma seba pandemî bi endîşeyîn ê’ 

 

Mahir bale ante serê serdemê pandemî û wina va: “Seba  pandemî bi nêzdîyê serrêke yo ma nêeşkenê Delîla bivînê. Hepsî seba pêvînayîşê akerde yê qedexe ra nêeşkenê vejîyê. Ê zî seba keyeyan rê nêbê bargiran, vanê meyerê pêvînayîşo girewte.”