WAN - Ame dîyarkerdene ke semedê muxabira ma Şehrîban Abî û Rojnamegere Nazan Sala yê ke nika korîdorê hepsîyê edlî yê camêrdan ê Zîndanê Girewteyê Tîpê T yê Wanî de hema yenê tepiştene, semedê arayî tena parçeyêk penîr danê.

 

Qezaya Şaxî ya Wanî de 11ê Êlule de, eskerê ke operasyon ra agêrayîne, di welatî Servet Tûrgût û Osman Şîban bi îşkence destbend kerdibî û dima ra zî helîkopter ra eştibî. Dimayê ke belge û helîkopter ra eştişê her di welatîyan raya pêroyî rê ame neqlkerdene, muxabira Jinnewsî Şehrîban Abî û rojnamegere Nazan Sala ameybî destbendkerdene û tepiştene. Şehrîban û Nazane ke Zîndanê Tîpê T yê Wanî de yenê tepiştene, îhlalkerdişê heqan û muamelîyê xirab yê hemverê înan dewam kenê.

 

Ame zanayene ke Şehrîbane û Nazane, bi sebebê şubeyê vîrusê Korona, hema zî korîdorê hepsîyê edlî yê camêrdan de yenê tepiştene. Ame neqlkerdene ke selahîyetdarê zîndanî çay û awe nêdanê Şehrîbane û Nazane û semedê pakitî cayê ke ci de manenê zî tena firçeyêk dayê înan.

 

Tena parçeyêk penîr danê înan

 

Ame dîyarkerdene ke selahîyetdarê zîndanî verê werdê şanî de semedê arayî zî tena parçeyêk penîr danê înan.