ENQERE - Çarçewa 'Cipêrsayîşê Kobanê' de Gultan Kişanak newe ra ameye tepiştene û Gulser Yildirime rê cezaya 'hepsê keyeyî' ameye dayene.

Çarçewa 'Cipêrsayîşê Kobanê' ke hetê Serdozgerîya Komare ya Enqere de ame despêkerdene Hemşaredara Şaristanê Pîlî yê Amedî ya verêne Gultan Kişanak û parlemtera Partîya Demokratîke ya Şaran (HDP) ya verêne Gulser Yildirime Zîndanê Kandira ra  bi sîstemê SEGBİSî  îfade da.

 

Mehkeme bi sebebo ke Gultane Kişanake ya ke xora zîndan de yena tepiştene, beno ke biremo teberê welatî  qerarê newe ra tepiştişî da û Gulser Yildirime rê  bi şertê kontrolê edlîyî cezaya 'hepsê keyeyî' ameye dayene.

 

Çarçewa cipersayîşî de 2ê êlul a 2019î de hemserekê pêroyî yê HDPyî yê verênî Fîgen Yuksekdag û Selahattîn Demîrtaş, 2ê teşrîna verêne de Endamê Heyetê Rayberdişî yê Merkezê HDPyî Alp Altinors, Endamê Komîsyonê Têkilîyanê Teberî yê HDPyî Nazmî Gur, Wekîla verêne Ayla Akat Ata, Endama verênî ya Heyetê Rayberdişî yê Merkezê HDPyî Bîrcan Yorulmaz, Berfîn Ozgu Kose, Dîlek Yagli, Can Memîş, Gunay Kubîlay, Bulent Parmaksiz, Pervîn Oduncu, Îsmaîl Şengun û Cîhan Erdal, Hesabgîro Pêroyî yo verên ê HDPyî Zekî Çelîk, Endamê HDPyî yê RTUKî Alî Urkut û wekîla verêne Prof. Dr. Emîne Beyza Ustun, 12ê teşrîna verêne de zî Hemsereka Partîya Herêmê Demokratîkî (DBP) ya verêne Sebahat Tuncel û Wekîla HDPyî ya verêne Aysel Tugluke ameybî tepiştene.