AMED - Dayîkê Aştîye dîyar kerdî ke ganî Dayîkê Aştîye yê Rihayî ameyê destbendkerdene, serbest bêrê veradayene û wina va: "Embazê ma tena nîyê. Ma do waştişê înan ê seba aştîye reyna bikerê.”

 

6ê teşrîna verêne de Riha de eştibî serê xeylê keyeyan û pêwa 4 endamê Meclîsê Dayikê Aştîye 12 kesî ameybî destbendkerdene. Wextê destbendkerdişê Dayîkê Aştîye ame dergkerdene û bi 6 rojî yo ke Mudurîyê Emnîyetê Rihayî de yenê destbendkerdene. Meclîsê Dayîkê Aştîye derheqê destbendkerdişan de eşkerayî da. Heme endamê meclîsê Dayîkê Aştîye tewrê eşkerayî bî. Serê nameyê Dayîkê Aştîye de Vasfiye Yigit qisey kerd.

 

Ame waştene ke dayîkî serbest bêrê veradayene

 

Vasfîye veng da hukmatî û bale ante serê emrê dayîkan û waşt ke dayîkî serbest bêrê veradayene. Vasfîye ard vîr ke seba pandemî sînordarkerdişê semedê emrê înan serê 65 ameyo dayene labelê hukmat destbendkerdişê dayîkê emrê înan pîlo sey tehluke nêvîneno. Vasfîye wina va: "Dayîkê ke ameyê destbendkerdene û ma tena aştîye wazenê. Ma wazenê ke gonî vindero û ma aştî wazenê. Ma wazenê gonî vindero û ma wazenê mîyanê hizûr de biciwîyê. Ganî wa her kes no zulmî bivîno. Seba ke gonî vindero wa pêro însanî wirzê serê lingan. Embazê ma tena yê. Ma qîrayîşê waştişê înan ê aştîye dewam bikerê.”