AMED - Qezaya Rezan ya Amed de Adule Kardaş, keye de daliqnaye ameye vînayene. Cenazeya Edule dimayê otopsî ameye definkerdene.

 

Taxa Şeyh Şamîlî ya qezaya Rezan a Amedî, cinîya 50 serrî Adule Kardaş, keye de daliqnaye ameye vînayene. Ame dîyar kerdene ke Edule 9ê teşrîna verêne de vata ke do şêra dayîş û girewtiş bikera û eke erey bimana wa aye meraq nêkerê. Cîranan zî dîyar kerdî ke dimayê ke Edule keye ra vejîya, zanayîş ci ra nêame girewtene. Dimayê ke keye kewt mîyanê têgêrayîşan cenazeyê Edulê, qatê corî yê înşaetî de bi hawayêk bi guman daliqnaye merde ameye vînayene.

 

Yewîneyê weşîye ke ameyê cayê serebûte, cenazeya Edule seba otopsî wedarnayî Nêweşxaneyê Dewlete ya Selahattin Eyyubî. dima ra zî cenaze erşawitî Erzirom. Dimayê otopsîyê uca cenazeya Edule ardî Amed û Goristanê Yenîkoyê ê Amedî de defin kerdî.