MELETÎ - Meletî de operasyonê sîyasî de 5 kesê bînî ameyî destbendkerdene. Bi nê hawayî hûmara destbendkerdeyan bîye 11.

 

Meletî de vizêr çarçewa tehqîqatê Kongreya Komela Demokratîke (KCD) de polîsan eştbi xeylêk keyeyan ser û Alî Pîro, Azar Încesu, Fatma Încesu, Husamettîn Kurultay, Saît Pektaş û Alî Yilmaz ameybî destbendkerdene. 

 

Ewro zî polîs û leşkeran reyna eşt xeylêk keyeyan ser û Hemserekê HDPyî yê qezaya Akçadagî Mahîr Aslan zî tede Abuzer Adiyaman, Bîrgule Dogan, Azîz Dogan û Basrî Aslan destbend kerdî. 5 destbendkerdeyî ameyî berdene bi Mudirîya Asayîşî ya Meletî.