AMED - Avûkat Merve Nûr Dogan, çarçewaya cipersayîşê Serdozgerîya Komara ya Amedî de Amed de ameye destbendkerdene, bi îdiaya “endama rêxistine ya” ameye tepiştene.

 

Avûkat Merve Nûr Dogan, çarçewaya cipersayîşê Serdozgerîya Komara ya Amedî de ke amebi destpêkerdene 7ê teşrîna verêne de wexto ke şîne buroyê xo ya avûkatî, hetê polîsan ra ameye destbendkerdene. Merve vizêr dimayê karûbarê emnîyetî berdî Edliya Amedî û îfade da dozger û dadger. Dadger bi îdiayê ke Merve, “endama rêxistine ya” da tepiştene. Merve erşawitî Zîndanê Cinîyan ê Amedî.