MÊRDÎN - Rêvebera HDPyî ya Mîdyatî Şîrîn Çelebî her wext hetê polîsan ra yena taqîbkerdene û çend rojî verê 2 camêrdê ke bi eslê xo Sûrîyeyij bîyê bi hêrişê fekî û tacizî reyde rî bi rî menda. Şîrîne vat, no zî metodêk hêrişî yo û hemverê xebatkarê HDPyîyan yeno kerdene.

 

Îdarekara Partîya Demokratîke ya  Şaran (HDP) ya qezaya Mîdyatî Şîrîne Çelebî demêk derg hetê polîsan ra bi hawayêk fîzikî ameyîne taqîbkerdene. Çend rojî verê zî hetê 2 camêrê ke bi eslê xo Sûrîyeyijê bi taciz û heqaretî reyde rî bi rî menda.

 

Şîrîne destpêk de bale ante serê tehdîdî ke rî bi rî manenê û va: “Seke ke her kes şahidê ke endam, îdarekar û xebatkarê rêxistinê HDPyî her wext bi tehdîd, destbendkerdiş û remnayîşî reyde rî bi rî manenê. Teberê nê de rîyêk bîn zî hêrişî esto; tacîz, tersnayîş yan zî remnayîş o. Çi heyf, ez zî rastê serebûtêke winasî ameya. Verê hewteyêk 2 camêrdî bi motorsîklet kewtî pey mi û mi tacîz kerdî. Sere de mi na serebûte rêze ra dî û mi zêde cidî nêgirewte. Labelê eynî kesî rojê vîyarte reyke bîn verê mi ra derbaz bî, heqaret bi mi kerdî û bi vatişanê xo mi tacîz kerdî. Dimayê ke min şik kerd, mi bi vengêko berz derûdorê xo ra hetkarî waşt."

 

Şîrîne dewamê qiseykerdişê xo de ard ziwan ke aye fotografê ê kesan anto û dewa înan rê akerda û wina va: "Ez o serê serebûte de vinderî û heta peynî taqîb bikerî. Ez zî nêwazena seke embazanê xo bînan bêrî remnayene û rastê tehdîdan bêrî. Xora ez rewşa normal de zî hetê polîsan ra yena taqîbkerdene. Wazenê ke bi metodê cîya yê taybet wazenê cinîyan bikerê xefike xo. La ma do qetî nêrê kaykerdişê înan. Ne taqîbkerdişê înan û ne zî tehdîdê înan nêeşkeno rayîrê ma bigîro. Ez o hemverê nê kesan bêveng nêmanî. Ma do hemverê nêzdîbîyayîşê winasî sere nêtewênê."