STENBOL - Avûkatanê Rayberê PKKyî Abdullah Ocalanî seba ke muwekîlê xo reyde pêvînayîş bikerê reyna muracatê Serdozgerîya Komare ya Bursa kerd.

 

Avûkatanê Rayberê PKKyî Abdullah Ocalanî Newroz Uysal, Faîk Ozgur Erol, Cengîz Yureklî û Mazlum Dînçî seba ke muwekîlê xo reyde pêvînayîş bikerê muracatê Serdozgerîya Komare ya Bursa kerd.

 

7ê tebaxa 2019î ra nata 109 muracatanê avûkatan ra 108ine rê cewab nêame dayene.

 

Rayberê PKKyî Abdullah Ocalanî  seba ke 23ê êlula 2009î de  sey dewamê pawitişê xo 'Xerîtaya Rayîrî' teqdîmê  Mehkemeya Heqanê Merdiman a Ewropa  kerd,  bi nê bahaneyî ci rê pêvînayîşê avûkatan seba 6 aşman amebi qedexekerdene.