MERKEZÊ XEBERAN - Goreyê dayeyê ke ma kom kerdî menga êlule de 24 cinî ameyî kiştene,18 mergê cinîyan zî bi guman o. Sewbîna 13 domanî zî bi rastê hêrişê cinsî ameyî.

 

Temamê dinya de hema tesîrê vîrusê koronayî (Covid-19) dewam keno. Nê prosesî de şîdetê hemverê cinîyan tewr zêde bi. Vera ke rayîr hemverê şîdetî bigîrê, hêrişê destkewtişê cinîyan sey Pêameyîşê Stenbolî kenê. La bi têkoşînê cinîyan nika munaqeşeyê bi peynîkerdişê Pêameyîşê Stenbolî nîno kerdene. Çend hukmat ercnayîşê xo de vajo şîdet kêm bîyo la rastî de wina nîyo. Seba polîtîkayê bêceza verdayê, kiştişê cinîyan her roja ke derbaz beno zêde beno.

 

Goreyê dayeyê Platformê Ma do Kiştişê Cinîyan Vindarnê (KCDP) menga êlule de 16 cinî ameyî kiştene û merdişê 20 cinîyan zî bi guman o.

 

Goreyê dayeyê ke ma menga êlule de 24 cinî ameyî kiştene. Merdişê 18 cinîyan zî bi guman o. 9 cinî zî bi kiştişî dir rî bi rî mendî. 23 cinî zî hetê camêrdê ke nas kenê, yan zî xerîban ra rastê şîdet, taciz û tecawizî ameyî. 13 domanî rastê hêrişê cinsî ameyî û mergê 4 domanan zî bi guman o. Sewbîna domanêk netîceyê hêrişê cinsî ra dinyaya xo bedilna.