STENBOL- Bi waştişê Serdozgerîya Komare ya Bursa Dadgerîya Înfazî ya 2. ya Bursa semedê Rayberê PKKyî Abdullah Ocalan û hîrê tepişteyê bînî ke Îmrali de yê rê seba 6 aşman pêvînayîşê avûkatan ame qedexekerdene.

 

Rayberê PKKyî Abdullah Ocalan û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî rê seba 6 aşman pêvînayîşê avûkatan ame qedexekerdene.

 

Bi waştişê Serdozgerîya Komare ya Bursa Dadgerîya Înfazî ya 2. ya Bursa semedê Abdullah Ocalan û tepişteyanê bînan ê Îmraliyî qerarê qedexeyê pêvînayîşê avûkatan yê 6 aşman girewt. Gerar 23ê êlule de ame girewtene.

 

Avûkatan 8 serran ra dima 22ê gulane, 12 û 18ê hezîrane û 7ê tebaxa 2019î de eşkayîbî muwekîlanê xo reyde pêvînayîş bikerê. 107 muracatanê peyênan ê avûkatan rê qet cewab nêame dayene.