WAN - Heyetê KCD, HDP û BDPyî keyeyê Servet Turgutî zîyaret kerd ke Servet helîkopterî ra erzîyabi. Polîsan eşt merasîmê ezayî ser û gefî werdî.

Hemserekê KCDyî Berdan Ozturk, Hemsereka DBPyî Salîha Aydenîz û wekîlanê HDPyî keyeyê Servet Turgutî zîyaret kerd ke Servet dima ke hetê leşkeran ra helîkopterî ra erzîya dinyaya xo bedilnaye.

 

Polîsan wekîle ra: Teşqele meveje

 

Huda Kayaya HDPyîje merasîm de qisey kerd la wexto ke aye qisey kerdêne polîsan eşt çadira serweşîye ser. Polîsan vat: ''Ma do nêverdê ke şima qisey bikerê.'' û polîsan destûr nêda ke rojnamegerî dîmenan bigêrê.

 

Polîsan gef werd ke eke merasîm dewam bikero ê do merdiman destbend bikerê. Salîha vera polîsan nêrazîbîyayîşê xo mojna û vat: ''Eke şima nê merdiman rê hûrmet bikerdêne şima cara na qayde nêameyêne merasîmê serweşîye.''